Politi: Scooterinik innaallagiartortunik aquttup dronningi assamminniaraluaraa

Kalaallit Nunaanni Politiit paasissutissiissutigaat apuinermi ajoqusertoqanngitsoq, uppernarsarneqarlunilu ajutoornerusoq.

Politi
Politi

Kunngikkormiut ippassaq Nuummut,  juulip ulluisa sisamaanni tikinneranni dronning Mary scooterinik innaallagiartortunit aporneqarpoq. Kalaallit Nunaanni Politiit paasissutissiissutigaat aporsineq misissuiffigisimallugu, paasinarsivoq ajutoornerusoq.

Nuummi kunngikkormiut Nuummut tikinneranni inuttaasunik amerlaqisunit tikilluaqquneqarput, inuillu nuannaaqalutik.

Tikilluaqqusiartortuni ilaavoq innarluutilik, scooterinik innaallagiartortunit aquttoq, tassanngaannarlu dronning Mary scooteriminik aporpaa.

Kalaallit Nunaanni Politiit tusagassiuutitigut nalunaarummi nalunaarutigaat scooterini aquttup dronning Mary assamminniarlugu assani isaakkaalu scooterimi ilasaataa eqqortoorsimallugu, taamaalillunili scooteri aallariasaarluni dronning Marylu aportoorlugu. 

Apuinermi ajoqusertoqanngilaq, uppernarsarneqarlunilu ajutoornerusoq.

Kalaallit Nunaanni Politiit ajutoorneq pillugu annerusumik oqaaseqarsinnaanngillat.

Powered by Labrador CMS