Nunatsinni pigisanik nalilinnik
nalunaarsuisarneq ukiorpassuarni ilungersunartinneqartarpoq -
tamannalu assigiinngitsutigut kinguneqartarluni.
Assersuutigalugu
Nuup eqqaaniittumi Nordafarimi saliinissaq ukiorpassuarni
uninngatiinnarneqarsimavoq, kikkut piginnittuunerat
nalunaarsorneqarsimanngimmat. Savalimmiuni naalakkersuisut aamma
Naalakkersuisut naluaat illut kikkunnit pigineqarnersut,
taamaattumillu saliinissamut akisussaasuussanersut.
Nunatsinni pigisanik nalilinnik
nalunaarsuisarneq ukiorpassuarni ilungersunartinneqartarpoq -
tamannalu assigiinngitsutigut kinguneqartarluni.
Assersuutigalugu
Nuup eqqaaniittumi Nordafarimi saliinissaq ukiorpassuarni
uninngatiinnarneqarsimavoq, kikkut piginnittuunerat
nalunaarsorneqarsimanngimmat. Savalimmiuni naalakkersuisut aamma
Naalakkersuisut naluaat illut kikkunnit pigineqarnersut,
taamaattumillu saliinissamut akisussaasuussanersut.
Savalimmiormiut
ingerlatseqatigiiffiat Nordafar 1989-imi akiliisinnaajunnaarpoq,
tamatumalu kingorna illuutit kalaallit ingerlatseqatigiiffiannit,
aamma akiliisinnaajunnaartumit, tiguneqarlutik – maannalu
illuatungeriit taakku marluk akisussaaffik pillugu
isumaqatigiissinnaajunnaarlutik. Aaqqiagiinngissut tamanna
pinngitsoorneqarsimasinnaagaluarpoq piginnittunik piumasaqaatinillu
nalunaarsuisoqarsimagaluarpat – tassa pigisanik nalilinnik
nalunaarsuisoqarsimagaluarpat.
Nunatsinni
pigisanik nalilinnik nalunaarsuisarnermik atuutilersitserusunneq
aamma nutaajunngilaq. Tamanna ukiorpassuarni oqallisigineqartarpoq
kinguneqartinneqartanngitsumik.
Ataatsimiititaliami
sivisuumik suliarineqartoq
Nunatsinni
pigisanik nalilinnik nalunaarsuisarnermut ataatsimiititaliaq 1995-imi
pilersinneqarpoq. Suliassaq ukiorpassuarni oqallisigineqarpoq –
aaqqiissutissaqartinneqarnanili. Inatsisinik atortitsinermut
ministeriusimasoq Nick Hækkerup akissuteqarluni Folketingip Nunarput
pillugu ataatsimiititaliaanut marsip sisamaanni 2021-mi
ilisimatitsivoq, Nunatsinni pigisanik nalilinnik nalunaarsuisarnermut
ataatsimiititaliaq 1995-imi pilersinneqartoq 2017-imiilli
suliaqarsimanngitsoq.
Inatsisinik
atuutsitsinermut ministeri taamani akissummini nangilluni allappoq:
„Ataatsimiititaliap
sulinerminik naammassinninnginneranut pissutaanerpaavoq, Nunatsinni
pigisanik nalilinnik nalunaarsuinermi illuutip qanoq
paasineqartarnera aamma nunaminertamik atuisinnaatitaaneq
akiligassanngortinneqarsinnaanersoq pillugit
isumaqatigiinngittoqarnera. Ataatsimiititaliamit aalajangiunneqarluni
– pineqartut isumaqatigiinngissutaaneranni – Nunatsinni pigisanik
nalilinnik nalunaarsuisarnermut atatillugu aaqqiissutissamik
nassaartoqartinnagu apeqqut kinguartinneqassasoq.
Inatsisinik
atortitsinermut ministereqarfiup ilanngullugu ilisimatitsissutigaa,
ataatsimiititaliaq 1997-imit 2010-mut sulisimanngitsoq, ilaatigut
ataatsimiititaliap siulittaasuata, taamani Nunatta Eqqartuussiviani
nuna tamakkerlugu eqqartuussisuunerup, piffissap ilaani Nunatsinni
Eqqartuussiveqarneq pillugu Ataatsimiititaliarsuarmi
ilaasortaasimanera pissutigalugu, aammattaaq Nunatta Eqqartuussiviani
suliassat amerlassusaat sulisussallu amerlassusaat pissutigalugit.
Inatsisinik atortitsinermut ministereqarfiup paasissutissaatai
naapertorlugit piffissami 2010-miit 2017-imut ataatsimiititaliaq
ilaannikkuinnaq sulisarsimavoq.”
Maannali
tassa iluatsinniarneqaleruttorpoq. Qarasaasiakkut nalunaarsuisarneq atuutilersinniarneqaleruttorpoq. Sulili ilisimaneqanngilaq qaqugu
atuutilersinneqassanersoq, naak suliassaq aallartinneqareeraluartoq.
