Inatsisartunut qinersinissamut
ukiup affaajunnaarpoq, qineqqusaarnermilu suna sammineqarnerpaassanersoq
eqqoriaruminarpoq: Inuunermi atukkat.
Politikerit amerlasuut
ukiaanerani ataatsimiinnersanni oqallinnermi aallartisalereerput.
Naalakkersuisoqatigiit aningaaserisuata aningaasaqarnermut naalakkersuisup Erik
Jensenip (S) apeqqarissaarfigineqarnerani aamma.
Inatsisartunut qinersinissamut
ukiup affaajunnaarpoq, qineqqusaarnermilu suna sammineqarnerpaassanersoq
eqqoriaruminarpoq: Inuunermi atukkat.
Politikerit amerlasuut
ukiaanerani ataatsimiinnersanni oqallinnermi aallartisalereerput.
Naalakkersuisoqatigiit aningaaserisuata aningaasaqarnermut naalakkersuisup Erik
Jensenip (S) apeqqarissaarfigineqarnerani aamma.
Isorliunerusuni najugallit
pisiniarfiini nerisassat akii Nuummi nerisassat akiinit
akisunerujussuusinnaasartut Naleqqameersup Hartmann Heilmannip
isornartorsiutigaa:
- Sooq inuunermi atukkat taama
assigiinngitsigisariaqarpat? Taamatut ingerlaannartoqassava, Hartmann Heilmann
aperaaq.
Uku
isertitaqarnerpaaffiupput
Isertitat sumiiffinni aamma
assigiinngitsorujussuupput. Illoqarfimmi najugaqartut akileraarutit suli
ilanngaatiginagit agguaqatigiissillugit 302.000 koruuninik isertitaqartartut
Naatsorsueqqissaartarfiup kisitsisaataasa takutippaat. Nunaqarfimmiut agguaqatigiissillugit
211.000 koruuninik isertitaqartartut. Taakkunanili kisitsisini imminut
pilersortut ilanngunneqanngillat.
Illoqarfiit akornanni aamma
isertitat annertuumik assigiinngissuteqarput. Nuummi 2023-mi
agguaqatigiissillugu isertitat 363.000 koruuniupput, tamannalu nunami
isertitaqarnerpaaffiusumut tullianut Sisimiunut sanilliullugu 20 procentinik
qaffasinneruvoq. Maniitsumi 270.000 koruuniupput, Kangaatsiami 209.000
koruuniullutik, Tasiilami 245.000 koruuniullutik, Ilulissani 297.000
koruuniullutik Uummannamilu 247.000 koruuniullutik.
Kangerlussuarmi innuttaasut
371.000 koruunit nalinginut ukiumut isertitaqarnerpaapput.
Isorliunerusuni akit
illoqarfinnit anginerusunit qaffasinnerusinnaasut apeqqarissaarnermi Erik
Jensenip nassuerutigaa. – Sinerissami angalanikuuvunga, inuillu isumakuluutaat
nalunngilakka. Taamaattumik akigitinneqartut qaffasinnerunerannut suna
tunngaviunersoq paasiniarlugu naalakkersuisoqarfiit akimorlugit misissuinermik
aallartitsivugut. Aaqqiissutissamik nassaassaagut, Jensen oqarpoq.
Akissutaa Hartmann Heilmannip
naammaginngilaa: - Misissuisoqarnera tusarneqartuaannarpoq,
iliuuseqarfigineqarnerli ajorluni, oqarpoq.
Aningaasat
amerlanerusut
Akileraartarnermut aaqqissuusseqqittoqarnialersaarnera
naalakkersuisooqatigiit akissutigaat. IA Siumullu naapertorlugit inuit
pisissutissaqarnerulissallutik.
- Aaqqissuusseqqinneq
inuiaqatigiit iluaqutigissavaat, innuttaasullu atugaat 300 millionit koruunit
angullugit pitsanngorsarneqassallutik, IA-p aningaasaqarnermut oqaaseqartartua
Kristian Jeremiassen apeqqarissaartoqarnerani oqarpoq.
