Timmisartoq CAT 678 Aalborgip
mittarfianut ataasinngornermi ualikkut nal. 17.04 nalunaaquttap
akunnerata affaanik kinguaattoorluni mippoq.
Nuup Aalborgillu
akornanni aasaq manna timmisartuussisarneq naggaserneqarpoq.
Timmisartoq CAT 678 Aalborgip
mittarfianut ataasinngornermi ualikkut nal. 17.04 nalunaaquttap
akunnerata affaanik kinguaattoorluni mippoq.
Nuup Aalborgillu
akornanni aasaq manna timmisartuussisarneq naggaserneqarpoq.
-
Aappaaguli tikeqqikkumaarpugut, angalatitsivimmi Ruby Rejserimeersoq
Morten Meyer neriorsuivoq.
-
Juunip aqqaneq-aappaani aallartinneraniilli pilersaarutit malillugit
timmisartuussinerit 24-t tamarmik naammassineqarsimalerput,
piffissarlu eqqupajaarlugu Nuummut mittarlutik. Soqutiginarsimaqaaq
ilinniarfiullunilu, aappaagumut qilanaalereerpugut.
Silap
nalorninarnera, ullut matoqqaffiit Nuummilu mittarfimmi
unammilligassat allat Ruby Rejserimit aarleqqutigineqanngillat.
-
Silamut naleqqussarsinnaaneq qanoq pingaaruteqartigisoq
ilikkarparput. Ilaatigut Aalborgimiit aallarnissarput akunnernik
marlussunnik kinguartipparput, taamaalilluta Nuummi pujuerunnerata
nalaani missinnaasimalluta. Ilaasut timmisartornermiit Aalborgimi
mittarfimmi utaqqineq iluarinerusimavaat.
-
Qujanartumik mittarfiup matoqqanera nalaanngilarput,
taamaassimasuuppalli aalajangersimasumik malitassaqarpugut.
Aasaq
angallassineq iluatsittoq
Aalborgip Nuullu akornanni toqqaannartumik timmisartuussineq juunip aqqaneq-aappaani nalliuttorsiorpalaartumik atoqqaarfissiorneqarpoq. Ruby Rejserimi pisortaaneq Rønnug Engstad Laursen, Aalborgip mittarfiani pisortaq Niels Hemmingsen aamma Air Greenlandimi piujuartitsinermut attaveqaqatigiinnermullu pisortaq Inga Dora Gudmundsdottir Markussen qalorsamik aappaluttumik kipisisuupput.
Assi: Jesper Hansen
-
Kalaallit Nunaanni angalaqqaarnerput iluatsilluartutut isigaarput,
ilaatigut akunnittarfinnik sammisassanillu aaqqissuussisunik
suleqatitsinnik, Aalborgip mittarfianik, Nuummi mittarfimmik, Air
Greenlandimik minnerunngitsumillu AirSevenimik, pitsaasumik
sullissinerat pissutigalugu.
Aalborgip
Nuullu akornanni timmisartuussineq Jyllandip avannaani
inuussutissarsiortunit ujartorneqarnera pissutigalugu pilerpoq,
aqqullu assartuinissamut atorluarneqarluni. Jyllandip avannaani
suliffeqarfiit toqqaannartumik timmisartuussinerit sivisunerusumik
atuutsinneqartalernissaat aamma kissaatigaat, Morten Meyerili
taamaaliortoqartalernissaanut neriorsuerusunngilaq.
-
2026-mi angalanissamut pilersaarutit maanna suliarileruttorpavut,
ukioq mannatulli isikkoqapajaassaaq, allaffeqarfimmi pisortaq
oqarpoq.
Aalborgip
Nuullu akornanni toqqaannartumik timmisartuussineq Air Greenlandimik
suleqateqarluni ingerlanneqarpoq. Qallunaat
timmisartortitseqatigiiffiat attartortitsisartoq AirSeven,
timmisartumik Boeing 737-800-mik 189-inik issiavitalimmik,
suleqatigalugu timmisartuussisarnerit ingerlanneqarput.
Juulimi
timmisartornissamut akigitinneqartut Sermitsiamit misissorpavut. Ruby
Rejserip Aalborgimiit Nuummut billitsinut akigititai, Danmarkip
Kalaallit Nunaatalu aasaanerani akornanni angallassinermi,
akikinnerpaasut paasinarsivoq. Timmisartuussisalernissaq 2024-mi
ukiakkut saqqummiunneqarmat timmisartornissamut siumuinnaq aki 1.998
koruuneqarpoq.
