Sakkutuut
kalaallit danskit hjemmeværniinit saassunneqarlutik imminnut illersormata
orpippassuarniit eqqarasuartaatit eqqarpalunnerat tusaaneqarsinnaavoq.
Kalaallit
nunami skyttegravimik assassimasut saassussisut aallaasiminnik imannaannaq
eqqarfigaat.
Sakkutuut
kalaallit danskit hjemmeværniinit saassunneqarlutik imminnut illersormata
orpippassuarniit eqqarasuartaatit eqqarpalunnerat tusaaneqarsinnaavoq.
Kalaallit
nunami skyttegravimik assassimasut saassussisut aallaasiminnik imannaannaq
eqqarfigaat.
Eqqissiinnarit.
Kalaallit Nunaat Danmarkilu sorsulinngillat. Sungiusarnerinnaavoq, eqqarnernilu
imassat aqerlortaqaratik paassaannaapput.
Sungiusarnermi
peqataasut tassaapput Issittumi Tunngaviusumik Ilinniarfimmi ilinniartut aamma
Jyllandip avannaani hjemmeværnimi sakkutuut immikkoortut taaguuteqartut
Cimbrerne. Sakkutuut kalaallit sungiusarnermi Kalaallit Nunaanni najukkaminni
avatangiisinit sungiusimasaminniit allaanerusuni akiuunnissartik ilinniarpaat.
Sakkutuut kalaallit skyttegravimi oqquillutillu sakkutuunut Danmarkimi Hjemmeværnimeersunut akiuullualaavipput.
Assi: Hjemmeværnet
- Sakkutoortagut
Danmarkimi sakkutuutut ilinniaqqinnissaminnut periarfissaqassapput, taamaammat
ilinniarnerup ilaa Danmarkip nunataani soorlu maani orpippassuarni
ingerlattariaqarparput, premierløjtnant Rikke, Issittumi Tunngaviusumik
Ilinniarfimmi naalagaanerup tullia, nassuiaavoq.
Skyttegravimi
oqalunneq
Sakkutuut
kalaallit atuagarsornerminni ilinniarsimasamik piviusumik misilinnissaat
soqutiginarpoq – aamma nunami allamiikkaluaraanniluunniit. Aammali qasunarpoq,
tassami skyttegravi imminnut illersorfissartik namminneq assattussaavaat.
Birthe,
Kaspersen, Platou aamma Jørgensen, sakkutooqarfimmi taama taagorneqartut,
unikkallarnermi orpippassuarni toqqit unnuiffigisami eqqaanni sakkutuut
nerisassaannik nerinerminni oqaluttuarput.
Issittumi Tunngaviusumik Ilinniarnermi sakkutuut Danmarkimi ilinniaqqinnissaminnut periarfissaqassapput. Taamaammat nunatsinniit allaanerugaluartoq Danmarkip nunataani sungiusarnissaat pisariaqarpoq.
Assi: Hjemmeværnet
- Kiassiorlutalu
ilungersorpugut, Jørgensen Danmarkip kiannerani ullormut misigisartakkatik
pillugit oqaluttuarpoq.
- Danmarkimi
kiannera aamma isugutakkami. Nunatsinni silaannaq panernerummat taamatulli
kiagunneq ajorpugut, Platou nassuiaavoq.
- Taarsiullugu
Nunatsinnituulli ippernarpassuaqanngilaq, Jørgensen qungujulluni oqarpoq.
Taakku
sisamaallutik Issittumi Tunngaviusumik Ilinniarneq naammassigunikku
susoqassanersoq suli aalajangersimanngillaq, Kangerlussuarmili ilinniarnertik
nuannaraat – aamma ilungersunaraluarpalluunniit.
- Nuannisarpugut
– ilinniagarli aamma ilungersunarpoq, Platou oqaluttuarpoq, sakkutuunngornissaminulli
qunulinngilaq.
-
Tunngaviusumik ilinniarneq naammassereerutsigu immaqa ingerlaqqissaanga. Immaqa
sakkutuunin umiartortuni, taanna oqaluttuarpoq.
