Sermitsiaq Atuarfik Inussuk pillugu allagaatinik
takunnissinnaatitaaneq aqqutigalugu paasissutissanik pissarsivoq.
Teknikkikkut titartakkat, ikuallattoortoqassagaluarpat
isumannaallisaanermut pilersaarutit, isumaqatigiissut pingaarneq
atuarfiullu nutaap Atuarfik Inussuup sanaartorneranut
isumaqatigiissut
ilassutaasullu
kiisalu siunnersuisartunit Verkís-imit
aamma COWI-imit
nalunaarusiat allattukkallu taakkununnga ilaapput.
Pappilissat
ilaatigut sanaartugassanik suliakkerneqartartup Ístakip
ikuallattoornissamut isumannaatsuunissamut uppernarsaariarnerat
takutippaat, ilaatigut ikuallattoornissamut siunnersuisartunit
COWI-mit avataaneersunit sanaartornermullu oqartussaasunit
arlaleriartumik isortartorsiorneqartut.
Sermitsiaq Atuarfik Inussuk pillugu allagaatinik
takunnissinnaatitaaneq aqqutigalugu paasissutissanik pissarsivoq.
Teknikkikkut titartakkat, ikuallattoortoqassagaluarpat
isumannaallisaanermut pilersaarutit, isumaqatigiissut pingaarneq
atuarfiullu nutaap Atuarfik Inussuup sanaartorneranut
isumaqatigiissut
ilassutaasullu
kiisalu siunnersuisartunit Verkís-imit
aamma COWI-imit
nalunaarusiat allattukkallu taakkununnga ilaapput.
ALLAGAATINIK TAKUNNISSINAANERMI ALLAKKIAT QITIUSUT
Allaaserisaq
allanneqarpoq allagaatinik takunnissinnaanermi allakkiat tunngavigalugit.
Atortussaniipput arlalissuit: teknikkikkut titartakkat, atuarfiliornermi
titartakkat atortussat atorneqartussat suunersut, ikuallattoornissamut
allattukkat teknikkimut tunngasut, allaffigeqatigiinnerit aamma Q&A
sanaartugassanik suliakkerneqartartunit neqerooruteqartunit, kiisalu
siunnersuisartunit immikkut ittunit atorneqartunit nalunaarusiat. Allakkiat
pingaarnerit ilagaat:
·Atuarfimmut
nutaamut isumaqatigiissut ilassutaalu – takutippaat
sanaartornissamut aningaasat 614-ininiit 633,7-million koruuninut
qaffassimasut.
· 1C32_K19-C08.1_A6_RAP_Ikuallattoornissamut periusissiaq –
ikuallattoornissamut periusissiaq kingullerpaaq ”sananeqartutut”.
· Illoqarfiup qeqqani atuarfik: ikuallattoornermi teknikkikkut
uppernarsaatinik naliliineq (COWI) – ikuallattoornissamut periusissiap
sukumiisumik misissornera.
· Ikuallattoornissamut tunngasut suli uppernarsarneqanngitsut – suli
uppernarsaateqannginneranut allakkiaq.
· Sanaartornermut oqartussaasut – nalilersueqqinnissamut itigartitsineq –
atuarfiup ammarnissaanut itigartitsineq aalajangiusimaneqartoq
Pappilissat
ilaatigut sanaartugassanik suliakkerneqartartup Ístakip
ikuallattoornissamut isumannaatsuunissamut uppernarsaariarnerat
takutippaat, ilaatigut ikuallattoornissamut siunnersuisartunit
COWI-mit avataaneersunit sanaartornermullu oqartussaasunit
arlaleriartumik isortartorsiorneqartut.
Sanaartornermut
Avatangiisinullu ingerlatsivik allagaatinik takunnissinnaanermut
akissutitut allakkiami erseqqissaateqarpoq ingerlatseqatigiiffik
Siorarsiorfik – Nuuk City Development (NCD) 2023 tikillugu
sanaartornermut akisussasuusoq.
Nalinginnaasumik
ingerlatseqatigiiffik allagaatinik takunnissinnaanermut
maleruagassani ilaanngilaq, uanili kommuni aalajangerpoq
isumaqatigiissutip ilaanik tunniussiniarluni isumaqatigiissutillu
ilassutaannik
innuttaasunut ammasumik ingerlatsineq tunaartaralugu suliaq
innuttaasunut annertuumik alaatsinaanneqarmat.
Suulli
tamarmik saqqummiunneqanngillat. Kommunip sanaartugassanik
suliakkerneqartartup Ístakimik isumaqatigiinniarnerit
ingerlanneqartut ilaatinngilai kiisalu nammineq sulinissamut
allakkiat suliap suliarinerani ingerlaavartumik atorneqartut.
Ikuallattoornissamut
periusissiaq suli akuerineqanngitsoq
Atuarfiup
nutaap atulernissaanut itigartitsineq kingulleq aggustimi
2025-mi pivoq,
tunngavilersuutigineqarporlu atuarfiup ikuallattoornissamut
periusissiaa Kalaallit Nunaanni sanaartornermut maleruagassanik
(BR06) suli naammassinninngitsoq.
Tamanna
mailikkut attaveqaqatigiinnermi sanaartornermut oqartussaasunit
Ístakimut nassiunneqartuni takuneqarsinnaavoq.
Siunnersuisarfik
COWI naapertorlugu suli ilungersunartunik ajornartorsiuteqarpoq.
Maajip 9-ani 2025-mi allakkiamit COWI inerniliivoq pissutsit
pingaarutillit suli naammattumik uppernarsarneqarsimanngitsut,
ilaatigut timersortarfittaani ikuallattoornissamut silaannarissaatit
automatiskiusut, ikuallattoornissamut immikkoortut angivallaartut
kiisalu ikuallattoornissamut saagut igalaaminermullu tunngasut
nalorninarlutik.
Mailikkut
allaffigeqatigiinnermi allagaatinik takunnissinnaanermut
ilaatinneqartunik sanaartornermut oqartussaasut allapput:
”Ikuallattoornissami
teknikkimut tunngasut pingaarutillit naammattumik
nassuiarneqarsimanngillat imaluunniit ikuallattoornissamut
periusissiamit ikuallattoornermilu pilersaarummi nassiunneqartumi
uppernarsarneqaratik”.
Ullormut
akiliisitaanerit akisuut
Atuarfik
Inussuup kinguaattoornera annertuumik aningaasatigut kinguneqarpoq.
Sanaartugassanik suliakkerneqartartup Ístak sanaartortitsisorlu
Siorarsiorfik – Nuuk City Development decembari 2019-mili
tamakkiisumik suliassamut isumaqatigiissummi
isumaqatigiissutaareerpoq ullormut akiliisitaanerit suussanersut.
ULLORMUT AKILISITSINERIT
– ATUARFIK INUSSUMMI SANAARTUKKAT 1-6
Decembari
2019-imiit pingaarnertut isumaqatigiissummi allassimavoq ullormut
akiliisitsinerit 70.000 koruuniussasut atuarfiliap kinguaattoorneranut.
COVID-imut atatillugu isumaqatigiissuteqarnikkut tunniussiffissaq februaarip
aallaqqaataanut 2024-mut kinguartinneqarpoq, illuatungeriilli
isumaqatigiissutigaat ullormut akiliisitsinerit aatsaat marsip aallaqqaataaniit
2024-miit atuutilissasut. Kommuneqarfik Sermersooq nalunaarpoq, ullormut
akiliisitsinerit ullukkaarlugit akilerneqarneq ajortut; ataatsimut katersorneqartarput
naggataarutaasumillu akiligassami ilanngaataasarlutik.
Septembarip
9-aniit 2025 ullormut akiliisitsisalernermiit ullorsiutini ullut 557
ingerlasimapput, tassalu ataatsimut isigalugu 39,0 millionit koruunit missaat (70.000
x 557). Ullormut akiliisitsinerit qaffasinnerpaaffissaqarput sanaartugassap
akiata 10 procentiannut, sanaartukkap tamakkiisumik akianut 633,7 millionit
koruuniusunit 63,4 millionit koruunit missaanniittunit 63,4 millionit
koruuniullutik.
Isumaqatigiissutaavoq
atuarfiup sananeranut ”ullormut
akiliisitaanerit 70.000 koruuniussasut”,
meeqqerivittaanut ullormut 10.000 koruuninik
akiliisitaasoqartassalluni.
Ukiup
aappaata affaani kinguaattoornikkut akiligassaq 60 million
koruuninngorsimasinnaavoq, naak isumaqatigiissummi aamma qummut
killilerneqaraluartoq suliassap akianit 10 procentinut.
Sanaartornermut
aningaasartuutit annertusiartortut
Atuarfik
Inussuk pillugu tamakkiisumik isumaqatigiissut decembarip 20-ani
2019-imi atsiorneqarmat suliassamut aningaasartuutit 614.147.710
koruuniupput (moms ilanngunnagu) atuarfik nutaaq pillugu
isumaqatigiissummi allassimavoq.
Ukioq
ataaseq qaangiutiinnartoq suliassaq akisunerulerpoq. Decembari
2020-mi sanaartortitsisut entreprenørilu isumaqatigiissummut
ilassummik isumaqatigiissusiorput, 12,9 million koruunit
isumaqatigiissummut ilanngunneqarlutik sanaartorfiup angineruneranut.
Allakkiami allassimavoq: ”Sanaartornissamut aningaasat
tassaalerput: 627.127.141 koruunit.”
Decembarimi
2022-mi aningaasat kingumut naleqqussarneqarput. Matumani 1 million
koruunit missaannik ilaneqarput, ilaatigut majuartarfiit
amerlinerannut. Ukioq taanna aamma isumaqatigiissut ilaneqarpoq
Covid-19-imik ilungersunartorsiornerup malitsigisaanik. Matumani
entreprenøri 18,6 million koruuninik ajunngitsorsiassinneqarpoq
kiisalu piffissaliussat sivitsorneqarlutik.
Tapiissutit
taakku pingasut ataatsimut kinguneraat sanaartornissamut aningaasat
633.739.112 koruuninut qaffassimanerat, tamannalu isumaqatigiissummut
allakkiami kingullermi allassimavoq.
Ammarnissaa
suli ullulerneqanngitsoq
Atuarfik
Inussuup tunniunneqarnissamut piffissaliussat arleriartumik
kinguartinneqartarsimapput. Pingaarnertut
isumaqatigiissummi tunniussinissaq tassaavoq marsip aallaqqaataa
2023, piffissaliussalli naleqqussarneranni siullermi decembari 2020
apriilip aallaqqaataanut 2023-mut kinguartinneqarpoq. Piffissaliussat
allanngortinnerannut tunngavilersuutigineqarpoq suliassap
aaqqissuunnerata ingerlasimanera sulinissamullu tunngavissat
iluarsinerat.
Covid-19-imik
nappaalanerup nalaani illuatungeriit isumaqatigiissuteqarput,
entreprenøri qaammammut taperneqarluni atuarfiullu tunniunnissaa
februaarip aallaqqaataanut 2024-mut nuunneqarluni – ullormut
akiligassiinissaq aatsaat marsip aallaqqaataaniilerluni atuarfimmi
sanaartukkani 1-6-ni. Isumaqatigiissummi tunniussinissamut ullut
nutaat isumaqatigiissutaapput. Meeqqerivittaa juunip 1-ani 2023
(aggustip 1-ani 2023 anilluni).
Sanaartornermik
oqartussaasut ukioq manna aggustip 12-ani nalunaarutigaat,
atulernissaanut akuersissuteqanngitsoq, sanaartukkat Kalaallit
Nunaanni sanaartornermut maleruagassani piumasaqaatinut
naapertuutinngimmata.
