SAR-imik suliaqarneq: Umiatsiaq sikumut kiggigussaasoq
Angut Kujataani umiatsiaminik sikumi nikeriarsinnaanngitsoq annaanniarlugu ataasinngornermi unnukkut ujaasisoqarpoq.
Assiliisoq: Leiff Josefsen
Angut umiatsiaaqqamik Pocamik sikumi nikeriarsinnaanani unittooqqasoq politiit ataasinngornermi nal. 17.28 kalerrinneqarput.
Angut Qaqortumiit Narsap tungaanut ingerlaartilluni umiatsiaa kiggigussaasimasoq, pigaartut pisortaat Jeppe Andsager Sermitsiamut oqarpoq.
- Angut navianartorsiunngilaq, silali pissutigalugu ingerlaqqissinnaajunnaarsinnaaneralu pissutigalugu annaassiniartoqarpoq, pigaartut pisortaat oqarpoq.
Politiit aallaqqaammut umiatsiamik angisuumik angummik annaassiniartussami pissarsiniaqqaraluarput, iluatsinngitsumilli.
Taamaattumik Issittumi Sakkutooqarfik qulimiguulimmik orniguteqqullugu saaffigineqarpoq. Qulimiguulik suli apuutinngitsoq sumiiffimmi najugaqartut angut umiatsiaararlu annaappaat.
Unnuap qeqqa qaangilaaraa angut Narsamut apuulluarsimasoq politiit nalunaarfigineqarput.
