SAR-imik suliaqarnermi inuit marluk annaanneqarput
Ataasinngornermi ualikkut inuit marluk Nuummi Nuup akiata kitaatungaani annaanneqarput. Umiatsiaaraat ikkarlissimavoq.
Leiff Josefsen
Kalaallit Nunaanni Politiit ataasinngornermi ualikkut nalunaaqutaq 13.03 kalerrinneqarput Nuup Akiata kitaatungaani umiatsiaaraq 20 fodsiusoq ikkarlissimasoq. Inuit marluk umiatsiaaqqamiissimapput.
- Umiatsiaaraq annaassiniarnermut atortussanik pisariaqartunik tamanik, soorlu puttaqutinik annanniutinillu, atortussaqarpoq. Tamanna ajunngilluinnarpoq. Soorunamili inuit marluk annaanniarlugit sumiiffimmut inunnik annaassiniartitsivugut, Kalaallit Nunaanni Politiini pigaartut pisortaat Jeppe Andsager Sermitsiamut oqarpoq.
Annaassiniarneq
Politiit angallataat Kimik, Nuummit Aasiannut ingerlasoq, sumiiffimmukartinneqarpoq, Issittumilu Sakkutooqarfiup angallataa Nuummit annaassiniarnermi ikiuukkiartorluni.
- Inuit taakku marluk ajunngillat. Umiatsiaararli Nuup Akiata eqqaani qimanneqartoq namminneq aassavaat. Umiatsiaaraq ajoquserneqarpasinngilluinnarpoq, Jeppe Andsager oqarpoq.
