KL

DK

Silap pissusianik ilisimatusartut: Silassorissuusiap sermersuup ineriartornera ilimasaarutigisinnaavaa?

DMI-imi silap pissusianik ilisimatusartut sermersuit annikilliartornersut annertusiartornersullu silassorissuusiamit ilimasaarutigineqarsinnaalissanersut paasiniarlugit suliaqaleruttorput. Ineriartortitsinermi, nunarsuup kissakkiartornerata kingunerisaanik takutitsisinnaalersussaq suliarineqaleruttorpoq.

Ilisimatusartut neriuutigaat siunissami silassorissuusiaq atorlugu silassamik ilisimatusaatinik pitsaanerusumik, Kalaallit Nunaanni Issittumilu sermersuit ineriartorneri naatsorsorneqarsinnaalissasut.
KASSAALUK KRISTENSEN
Digitalimik aaqqissuisoq
Saqqummersinneqarpoq

Kalaallit Nunaanni Issittumilu sermersuup milliartornera alliartorneralu nalilerniarlugu silassorissuusiaq atorneqarsinnaava?

Tamanna silap pissusianik ilisimatuut DMI-meersut, DTU-meersut, Aarhus Universitetimeersut Niels Bohrimillu ilisimatusarfimmeersut misissorpaat.

Sila pillugu nalinginnaasumik naatsorsuinerit qarasaasiani qarasaasiarsuarni silaannaap pissusiinik misissuinernillu tunngaveqartunik naatsorsuinernut atorneqartarput. Sila pillugu naatsorsuinerit qarasaasiami qanga naatsorsuusiarineqarsimasuni — paasissutissarpassuarnik — misissuisarput, siunissamullu siulittuiniarlutik najoqqutassianik immersuillutik. Siulittuisalersussanik suliaqartut piaartumik ingerlataqarput, silassorissuusialli siulittuisalernissaanik ilinniartitsineq oqitsuinnaanngilaq.

Sakkut nutaaliat

– Siunissami qanoq annertutigisumik sermersuaqarnissaanik sermersuullu qanoq sukkatigisumik nungunissaanik siulittuiniarnitsinni iliuutsit maanna atortakkavut arriitsuupput, pisariusarput ilaannikkullu qanoq annertutigisumik aakkiartornissaanik nalileruminaassinnaasarlutik. Taamaammat silassorissuusiaq atorlugu sermersuup annertussusissaata aakkiartornissaatalu ilimanaataanik siulittuissutaasinnaasumik suliaqarpugut, naatsorsuutit eqqortuunerunissaat anguniarlugu, DMI-mi Nationalt Center for Klimaforskningimi silap pissusianik ilisimatusartoq Nikolaj Hansen oqarpoq.

Silasiornermi ilisimasat aamma silassorissuusiaq atorlugu silasiornermik suliaqarnerit atorlugit ilisimatusartut silassorissuusiap sermersuup aakkiartornera sermillu aakkiartornerani imeq qanoq annertutigisoq sukkanerusumik eqqorluarnerullunilu naatsorsorsinnaalerniarlugit suliaqarput.

- Silassorissuusiaq sukkanerusumik siulittuisinnaassaaq, siornatigut sapaatit akunnerini arlalinni misissortakkagut piaarnerusumik paasisaqarfigisalissallutigit, Nicolaj Hansen oqarpoq.

indlandsis grønland global opvarmning forskning dmi arktis klima og miljø samfund inuiaqatigiit

ATORFIIT Se alle jobs

Powered by Labrador CMS