Sisimiuni taxa imarmut nakkartoq – aquttoq ajoqusinngilaq
Sisimiuni taxa umiatsialeqatigiiffiit eqqaani bro nr. 9-imi ullaap tungaani imarmut nakkarpoq. Pisoq ullaaq nalunaaqutaq 08.18 Kalaallit Nunaanni Politiinut nalunaarutigineqarpoq. Taxani aquttoq ajoqusersimanngitsoq Politiit uppernarsarpaat.
Foto: Malik Mathiassen
Sisimiuni taxa marlunngornerup ullaavani imarmut nakkarpoq.
Politiit pigaartuini pisortaq, Jeppe Andsager Sermitsiamut paasissutissiissutigaa taxa imaanut nakkarsimasoq. Takunnittut marluk sukkaannaq iliuuseqarnerminni taxani aquttoq ikiorlugu nunamut qaqissinnaasimavaat.
Pisoq politiinut nalunaaqutaq 8.19 nalunaarutigineqarpoq. Biilit nunamut qaqinneqarput. Inunnik ajoqusertoqanngitsoq politiit paasissutissiissutigaat.
Maanna ajoquserneq aqquserngup quasanneranik, teknikkikkut ajutoornermik imaluunniit inuttut kukkunerunersoq politiinit maanna misissorneqarpoq.
