Siulittaasumik nutaamik siulersuisunillu nutaanik TIG qinersisoq
Apriilip qulingiluaani Transparency International Greenlandip (TIG) ukiumoortumik ataatsimeersuarnerani siulittaasuugallartoq, Inuk Lundblad, siulittaasutut qinerneqarpoq.
Transparency International Greenland-ip siulersuisui, apriili 2024
Assilisaq
Siunissami siulittaasutut Inuk Lundbladip TIG siulersortussanngorpaa. 2023-mi juunimi Karen Lennert tunuarmat, siulittaasuugallartussatut atorfik taanna tigusimavaa. Siulittaasup tullia nutaaq Marina Reimeriusoq, suliniaqatigiiffik tusagassiuutinut nalunaarummi allappoq.
- Siulersuisuni nutaanik nukissaninnerput nuannaarutigaara. Suliniaqatigiiffittut attaveqaqatigiinnikkut ersarissumik oqariatuuteqartarnissarput sulissutigalugu ingerlateqqissavarput. Siulersuisuujunnaartut sullarillutik ingerlatsisimanerannut qutsavigerusuppakka, Inuk Lundblad, inatsisilerituujusoq, oqarpoq.
Ukkatarisat
Pinngortitap pisuussutai TIG-p samminerujumaarai ersersinneqarpoq, aammali pasinapiluttumik kalerriisut pillugit inatsisissap nutaap, maajip 13-ianni aappassaaneerneqartussap, suliarineqarnissaa atuutilersinneqarnissaalu ersersinneqarluni.
Ukiumoortumik ataatsimeersuareernerup kingorna siulersuisut ima isikkoqarput:
- Inuk Lundblad, siulittaasoq
- Marina Reimer, siulittaasup tullia
- Birita í Dali, ilaasortaq
- Christian P. Jerimiassen, ilaasortaq
- Sheila Sariboga, ilaasortaq
- Anita Hoffer, immikkut ilisimasalittut ilaasortaq
- Thomas Trier Hansen, inuit pisinnaatitaaffiinik immikkut ilisimasalik, immikkut ilisimasalittut ilaasortaq
