Trumpip anguniagaanik akuersaanngilluinnaraluarluni sukkulluunnillu akuunngikkaluarluni Siumup Inuusuttaani ilaasortap Amalie Bourupip New Yorkimi Trumpip tapersersuisuminik katerisimaartitsinera najuuffigaa, qinersinissaq ullunik marlussunnik sioqqullugu.
- Trump katerisimaartitsisoq qanimut misigalugu tupinnaqaaq. Allaavoq qanimut takullugu aamma inuppalaassuseqartoq, arnanut inussiarnissaartoq, quianartoq ilaatigullu attortinnarsinnaasoq. Anaanani qilammiittoq tusarnaartut akornanniillaqqugaluarlugu oqarpoq. Ataatanilumi.
Trumpip anguniagaanik akuersaanngilluinnaraluarluni sukkulluunnillu akuunngikkaluarluni Siumup Inuusuttaani ilaasortap Amalie Bourupip New Yorkimi Trumpip tapersersuisuminik katerisimaartitsinera najuuffigaa, qinersinissaq ullunik marlussunnik sioqqullugu.
- Trump katerisimaartitsisoq qanimut misigalugu tupinnaqaaq. Allaavoq qanimut takullugu aamma inuppalaassuseqartoq, arnanut inussiarnissaartoq, quianartoq ilaatigullu attortinnarsinnaasoq. Anaanani qilammiittoq tusarnaartut akornanniillaqqugaluarlugu oqarpoq. Ataatanilumi.
Amalie Bourupimut allarpassuarnullu quianartoq tassaavoq Trumpip nammineq oqaatigimmagu ataatami qilammiinnissaa ilimagivallaarnagu.
- Tusarnaartut illariilingajapput. Naapitatta ilagaat Jørgen Boassen, Kalaallit Nunaanni Trumpilerisut siuttuat, tunorlerni issiasoq taamaaqatimi akornanni immikkut qaaqqusatut inissisimanini iluarusuutigerujoorlugu.
Angalaneq pissarsiffiusoq USAmut angalaneq Amalie Bourupimut angalaqataanullu ilinniarfiullunilu misigisarpassuaqarfiuvoq.
-Amerikkarmiut ulluinnarni inuunerat ilungersunartoq ajoraluartumik takunngilarput, taxarfittali arlaata oqaluttuuppaatigut nammineq Harris Trumpiluunniit taanaviarnagit, arlaannaataluunniit ulluinnarni atukkani ilungersunartut aaqqiissuteqartinnavianngimmagit, Amalie Bourup oqaluttuarpoq.
Amalie Bourup, tungujortumik kavaajaasalik, Siumup inuusuttai peqatigalugit USA-mi qineqqusaarnermi peqataavoq.
Assi: Siumut Inuusuttunut
Inuusuttulli Amalie Bourupip USA-miinnini ilinniarfigaa.
-Qinersilernermi qinersisartunik ataatsimiisitsinerit nuannersumik inuppalaartumillu aaqqissuunneqarsimasut ajasoornartuupput. Tassa ilinniagassagut pingaartut.
Taassuma angalaqataasalu misigaat sumut pigaluarunik tikilluaqqusaalluarsimanertik.
-Kalaallit Nunaannut soqutiginninneq assorsuaq malunnarpoq. Pingaartumik timmisartukkut aqqutissaqalernissaq niueqatigiinnikkullu periarfissat nutaat pineqartillugit, Amalie Bourup naggasiivoq.
Nunarsuup sinneranit paasiniarsarineqartoq - Trumpimik qinersisartut inuiaqatigiittut ulluinnaat tulluusimaarfiusut uterfigeqqikkusuppaat.
Taamatut inerniliivoq DR-imi ukiorpassuanngortuni nunanit allanit ilanngutassiortoq Steffen Gram, amerikkarmiut taasinerisa aqaguani, paasinarsimmat qinersisartut amerlanerpaartaasa Donald Trump utertikkusukkaat.
- Atugarissaarneruneq aningaasaqarnerlu pitsaanerujussuaq USA-mi atugaalissaaq. Taamatut ilimasaaraluni præsidentinngorlaaq Donald Trump qinigaavoq, qinersivimmilu tullinnguuttumi atuuffissaminut inissilluni. Taava USA-mi demokraatit nunarsuarmiullu alaatsinaattut, pingaartumillu Europami tusagassiorfiit, soorlumi apeqquterujussuit: Soormitaavaana amerikkarmiut Trumpi siuttussamittut qineraat?
Apeqqut alla taamatulli pingaartigisoq tassaavoq soormitaavaana USA-mi pisuunerpaaq Elon Musk taama isertuaatsigaluni peqataasoq. Qularnanngilarmi taassuma Trumpillu akornanni qanimut suleqatigiittoqarmat ikinngutigiittoqarlunilu, allaat novembarip arfernani 2024 Trumpi ajugaanersiorluni oqalugialermat ikinngut qitaasartuinnaalluni quttasertoq aappaata aqarpaa ikinngutini asanerarlugu.
Ikinngutitut asasaata ullup ilaa nalunaarutigaa Teslami aktiaatini ulloq taanna assorsuaq iluanaartitsisimasut, Euroinvestor naapertorlugu iluanaarutit 387 mio. kr.-it missingerlugu.
Oqaluttuaq Oqaluttuarisaanermik ilisimatooq atuakkiortorlu amerikkarmiu, Before the Stormip politikkilu pillugu atuakkiat allat atuakkiortuat Rick Perlstein aviisimut Informationimut iiuminarnerusumik nassuiaavoq suna pillugu Donald Trump USA-p kunngiatut imminut isiginersoq:
- Marlunngornermi qinersinerup inernera paasissagaanni ilanngullugu paasisariaqarput amerikkarmiut angorusutaannut “tamatigorluinnaq ilanngunneqartarmata piviusut tarrajuttortaat”.
Pisuunerpaat pingajoqqatut ukiunilu sisamani tulliuttuni USA-mi politikkikkut siuttussatut inissittut nakkunneqaleruttortut eqqugaangaarsimasut pitsaanerusumik atugassaqartitaalernissartik kisiat neriuutigilersimavaat.
- USA-mi piitsuussusermik eqqugaasimapput inut 38 millionit tamannalu paasinarsisissagaanni isumaqarpoq inersimasut qulingiluaagaangata ataaseq, meeqqallu arfineq-pingasuugaangata ataaseq, piitsuusartoq, meeqqallu taakku millioninik amerlanerusut angerlarsimaffeqanngitsuullutik atuartuupput, motelleni, biilini, piitsunut unnuisarfinni illorsuarniluuniit qimatani unnuisartut.
Taama oqaluttuarpoq atuakkiortoq, inooriaatsimik ilisimatusarsimasoq Princetonimilu professori Matthew Desmond, atuakkami Powerty by American-imi, 2023-mi saqqummersumi.
Taanna itisiliivoq piitsuussusermut pissutaasoq akunnattumik isertitallit mattusseqqanerat taakkunannga kissaataanngimmat allannguinissaq, iluaqutigisaminnik annaasaqarusunnginnamik, soorlu ininik akisoorujussuarmik atukkiisarnerit assigisaalu pineqarlutillugit.
USA appasinnerpaamik akissaasersuisunut ilaavoq, eqqugaanerpaasarlutik taartumik amillit, latinot, asiamiut qaqortumillu amilinni sulinermik inuussutillit. Innuttaasut amerlassusaannik takussutissiat kingulliit oqaluttuaraat USA-mi innuttaasut 337.383.469-it najugaqartut, 2019-imit 7 millionit sinnerlugit amerlanerullutik, taakkununngali ilaanngillat akuersissummik peqaratik nuussimasut amerlasoorpassuit.
