Atlantiku qulaallugu timmisartuussinerit anorersuarnissaanik aarlerisaarisoqarnera pissutigalugu ullormik ataatsimik kinguartinneqarput

Silassamik ilisimasaarummi Nuummi tallimanngornermi anorlingaatsiarnissaa nalunaarutigineqarpoq, taamaattumillu Atlantiku qulaallugu timmisartuussinerit kinguartinneqarput.

Nalinginnaasumik Air Greenlandip timmisartua Tuukkaq Nuup Københavnillu akornanni atlantiku qulaallugu timmisartuussisarpoq, maannakkulli timmisartoq ukiumoortumik misissorneqarpoq, Portugalimiullu timmisartortitseqatigiiffiata Euroatlanticip timmisartuutaa A330-300 timmisartuussigallassaaq.

Assi: Oscar Scott Carl

Thomas Munk Veirum Thomas Munk Veirum Tusagassiortoq

Saqqummersinneqarpoq 5. Novembari 2026 - 08:07

Ussassaarut

Air Greenlandip timmisartuussinissai tallimanngornermi silamit sunnerneqassapput.

Timmisartortitseqatigiiffik nalunaarpoq tallimanngornermi novembarip arfernani, Københavnip Nuullu akornanni timmisartuussinissat GL 779 aamma GL 780 Nuummi anorersuarnissaa pissutigalugu ajoraluartumik taamaatiinnarneqartut.

Timmisartuussinerit arfininngornermi novembarip 7-iannut kinguartinneqarput, ilaasullu eqqugaasut angalanissamut pilersaarummik nutaamik tigusaqarumaarput.

DMI-p silassamik ilimasaarutaata, allaatigisap matuma allanneqarnerata nalaani, ilimasaarivoq tallimanngornermi ullaap tungaani anori 20 m/s-it missaannik sakkortussuseqassasoq, 27 m/s-ilu tikillugu anoraasuartarluni apiumaartoq.