KL

DK

Utaqqinitsinni

Danmarkimi tarnip pissusaanik ilisimasalimmit innarluutip suuneranik paasinninneq Kalaallit Nunaanni tarnikkut nappaateqartunut nakorsiartarfimmik avaqqussinissamut aqqutissaanngitsoq

Arnaq Bourup Egede Danmarkimi tarnip pissusaanik ilisimasalimmit ADHD-qarnerluni misissortikkami 10.000 koruuninik akiliivoq. ADHD-qartulli Danmarkimi tarnip pissusaanik ilisimasalimmit namminersortumit misissorneqarsimasut Kalaallit Nunaanni katsorsarneqarnissaminnut ingerlaannaq akuerineqarneq ajorput, Peqqinnissaqarfimmi nakorsaqarnermi pisortaq oqarpoq.

ADHD-qartut Danmarkimi misissortissimasut tarnikkut nappaateqartut pillugit nalunaarusiat Kalaallit Nunaanni tarnip nakorsaataanut tunniunneqartartut "paasissutissanik naammattunik imaqanngippata" nakorsaatinik nakorsartinneqarsinnaanatillu katsorsarneqarsinnaanngillat, Jesper Olesen, Nunatsinni Peqqinnissaqarfimmi nakorsaqarnermut pisortaq taama ilaatigut oqarpoq.
Birgitte Kjeldsen Tusagassiortoq
Saqqummersinneqarpoq

Arnap Bourup Egedep ADHD-qarnini pillugu katsorsarneqarnissani, aasaq manna Danmarkimi tarnip pissusiinik immikkut ilisimasalimmut misissortinniarluni saaffiginnissutigisani, nunatsinni ingerlatiinnarsinnaanngilaa.

Tamanna qaammammi kingullermi aviisimi matumani oqaluttuaraa – aamma Arnaq Bourup Egedemut suliaq pillugu Sermitsiap Peqqinnissaqarfimmut saaffiginnissutaanut atatillugu akissuteqarnerisa kingorna taamaappoq.

Arnap Bourup Egedep ADHD-qarnini pillugu katsorsarneqarnissani, aasaq manna Danmarkimi tarnip pissusiinik immikkut ilisimasalimmut misissortinniarluni saaffiginnissutigisani, nunatsinni ingerlatiinnarsinnaanngilaa.

Tamanna qaammammi kingullermi aviisimi matumani oqaluttuaraa – aamma Arnaq Bourup Egedemut suliaq pillugu Sermitsiap Peqqinnissaqarfimmut saaffiginnissutaanut atatillugu akissuteqarnerisa kingorna taamaappoq.

Peqqinnissaqarfimmi pisortap Jesper Olesenip innuttaasut Kalaallit Nunaanni Peqqinnissaqarfiup avataani nappaammik suussusersineqarsimasut pillugit saaffiginnittartut qanoq suliarineqartarnerat allakkatigut akissummini nassuiarpaa:

- Katsorsarneqartoq Danmarkimi tarnip pissusaanik ilisimasalimmut nakorsiarluni nammineq akiliilluni siunnersiortinneqarsimaguni, taassumalu innarluut suunersoq paasillugulu katsorsaalerpat, tamatumalu kingorna katsorsarneqartup katsorsarneqarnini Kalaallit Nunaanni ingerlateqqikkusuppagu, taava Kalaallit Nunaanni peqqinnissaqarfimmut uteqqittoqartariaqarpoq, Jesper Olesen ilaatigut oqarpoq.

- Tassa qulaani allaatigineqartutut najukkami peqqinnissaqarfik attavigineqassallunilu tarnip nappaataanut immikkut ilisimasalimmut innersuussisoqassaaq, taannalu paasissutissanik pisariaqartunik piumasaqarsinnaavoq, taanna nangippoq.

Nakorsaqarsinnaassagaannili „paasissutissat tamarmiusut“ tarnikkut nappaatillit allagaatinik katersugaasivimmiit pissarsiarineqartartut ilanngunneqartariaqarput. Taamaanngippat katsorsaaneq ingerlaannarsinnaanngilaq - aammattaarlu nakorsaatinik tunniussisoqarsinnaanavianngilaq, Peqqinnissaqarfik allappoq.

- Taamaattoqartillugu katsorsarneqartoq katsorsaasup nalunaarsuiffianik pissarseqqullugu imaluunniit peqqinnissaqarfimmi tarnikkut nappaateqartunut innersuussisoqarnissaa siunertaralugu attaveqaqqullugu kajumissaarneqassaaq. Peqqinnissaqarfimmi oqaloqatigiinnermi nalunaarsuiffimmi allassimasut amigaataasut qanoq pissarsiarineqarsinnaassanersut isumaqatigiissutigineqarsinnaavoq, Jepser Olesen oqarpoq.

Katsorsartittup nakorsaatinik nunami allami pissarsiarisimasaminik nakorsartinnissaa naatsorsuutigineqarsinnaanngitsoq Jesper Olesen naggataatigut allappoq.

- Nakorsaatit sorliit atorneqartassanersut nakorsaamit katsorsaasumit tamatigut aalajangerneqartarpoq, taanna oqarpoq.

- Sooq uannut ajornakusuussava?

Arnap Bourup Egedep Ilulissani nakorsaata nunatsinni katsorsarneqarnissaa ingerlatiinnarniarlugu peqqinnissaqarfimmi nalunaarsuiffia Nuummi tarnip nappaataannut immikkoortortaqarfimmut ingerlateqqereeraalu, Arnaq tarnip nappaataanut immikkoortortaqarfimmik innersuussisoqarnissaanik nunap immikkoortuani nakorsaanermut saaffiginneqqullugu septembarimi ilisimatinneqarpoq.

Arnaq Bourup Egede qaammatit sisamangajaat matuma siornatigut Danmarkimi tarnip pissusaanik immikkut ilisimasalimmit ADHD-qarnerarlugu aalajangiiffigineqarpoq. Taamanimiilli katsorsarneqarnermi nunatsinni nanginnissaanut ilungersuuteqalerpoq.

Taamatut pisoqarnissaa pinngitsoortinniarlugu Danmarkimi ikiorneqarnini nammineq akilerpaa. Taamaammattaaq Arnaq Bourup Egede oktobarip 26-ani Peqqinnissaqarfimmit akissutisereerluni pakatsivoq.

- Nakorsap siunnersuutai maleruarpakka, taamaammat katsorsarneqarnissara sivisuumik utaqqisinngikkaluarlugu aaqqiissutissamik nassaassasut neriuutigaara, taanna oqarpoq.

Arnaq Bourup Egedep paasissutissat Danmarkimit nassiussimasani peqqinnissaqarfimmut nassiunneqartut amigaateqarsimasinnaanerat paasisinnaanngilaa. Taanna naapertorlugu paasissutissat taakku Danmarkimi pissarsiarisani qanorpiaq amigarnersut paasitinneqarsimanngisaannarpoq.

- Nassiussakka Danmarkimi nakorsaatinik tunisinnissamut naammakkaluartut naammagineqanngitsut paasisinnaanngilara, tanna oqarpoq.

Taanna Danmarkimit maanga nuuttut nappaateqarlutik nakorsarneqarsinnaanerat ajornannginnerusoq isumaqarluni oqaluttuarpoq.

- Taamaammat sooq uannut taama ajornakusoortigissanersoq paasisinnaanngilara, uangattaaq Danmarkimi tarnip nappaataanut immikkut ilisimasalimmit innarluutip suuneranik paasinnissimavunga. Asuli ingerlateqqeqattaarneqaannarpunga, taanna oqarpoq.

- Maanna qanoq iliussanerlunga naluara. Danmarkimi tarnip pissusaanik ilisimasalimmut saaffiginninnissannik allattukkamalu nuunneqaqqinnissaanik qinnuteqassanerlunga imaluunniit nakorsamut sianeqqissanerlunga naluara. Qnaoq iliussanerlunga naluara.

ALLASERISAT NANGEQATTAARTUT: UTAQQINITSINNI

Tarnikkut nappaateqarneq pillugu nakorsiarniarlutik utaqqisut ukiup ataatsip ingerlanerani marloriaammik amerlanerusunik amerleriarput.

Inuit 950-it juulimi utaqqisut allattorsimaffianniipput.

Allaaserisami nangeqattaartumi matumani inuit tarnikkut napparsimasunut isumaginnittoqarfiup tatineqarnerata kingunerinit sunnerneqartut ilaat naapippagut.

Tarnikkut napparsimasunut isumaginnittoqarfik pillugu oqaluttuanik Sermitsiamiit maluginiartariaqakkatsinnik siunnersuutissaqaruit uunga malilersinnaavutit: bk@sermitsiaq.gl

Pisartagaqarneq

Allaaserisaq tamaat atuarniarukku atuisunngortariaqarputit! Iserit!

Sermitsiaq.gl – Nittartagaq

  • Sermitsiaq.gl-imi allaaserisat tamakkiisumik atuarsinnaalissavatit
  • Qaammammut kr. 59.00
  • Ukiumut kr. 650.00
ATUISUNNGORIT

Asasarput atuartartoq, Sermitsiaq.gl-imut – Kalaallit Nunaanni nutaarsiassanik isornartorsiuisumillu tusagassiornermik saqqummiussiffimmut – tikilluarit. Kiffaanngissuseqarluni tusagassiornerup siuarsarneqarneranik suliniuteqartuarsinnaajumalluta, itisiliillutalu isornartorsiuilluta tusagassiortuarsinnaajumalluta, allaaserisat aalajangersimasut akeqalersippavut. Tamanna iluaqutigalugu allaaserisat pitsaassusaat qulakkeersinnaavarput, tusagassiortuttalu pikkorissut oqaluttuanik pingaarnerpaanik saqqummiussinissaannut tapersersorsinnaavavut. Allaaserisat akillit qaammammut taamaallaat 59 koruuninit akeqarput. Pisineq ajornanngitsuararsuuvoq – ataaniittoq toorlugu saqqummiussavut tamakkiisumik iserfigisalersinnaavatit. Paasinninnerit tapersersuinerillu qujamasuutigaavut. Pituttorsimanngitsumik isornartorsiuisumillu Kalaallit Nunaannut tusagassiortarnissamik suliniuteqartuarnissamut akiliutivit ikiorpaatigut.

adhd tarnikkut nappaatit katsorsaaneq arnaq bourup egede peqqinnissaqarfik inuiaqatigiit

Atorfiit tamaasa takukkit

PODCASTI

Powered by Labrador CMS