Siumut sakkut pillugit inatsimmi ukiut killilerniarneqarnerannut akerliusoq

Sivisuumik eqqartorneqartarpoq, maannali Kalaallit Nunaanni sakkut pillugit inatsisissatut siunnersuut Inatsisartuni oqaluuserineqarpoq. Isumannaallisaanermut piniarnermullu kulturimut tunngassuteqarpoq. Siunnersuut naalakkersuisooqatigiit akornanni isumaqatigiinngissutaanera suliarineqarnerani paasinarsivoq.

Siunnersuut saqqummiunneqartoq piniartunut ingasattajaarnerusoq oqaaseqartartoq Anders Olsen (S) oqarpoq.

Assi: Siumut

Morten Okkels Morten Okkels Tusagassiortoq / aviisiortoq

Saqqummersinneqarpoq 2. Oktobari 2025 - 16:14

Justus Hansen sakkut pillugit inatsisissatut siunnersuutip pingasunngornermi suliarineqarnerani, Demokraatit sinnerlugit oqaaseqarniarluni, oqaluttarfimmut qaqimmat killitsisimanera ersarippoq.

Inatsisip allanngortinneqarnissaa 2010-mili sulissutigilerpaa, siunnersuullu maanna saqqummiunneqartoq 2017-imili aallartinneqarpoq.

Justus Hansen sakkut pillugit inatsisissatut siunnersuutip pingasunngornermi suliarineqarnerani, Demokraatit sinnerlugit oqaaseqarniarluni, oqaluttarfimmut qaqimmat killitsisimanera ersarippoq.

Inatsisip allanngortinneqarnissaa 2010-mili sulissutigilerpaa, siunnersuullu maanna saqqummiunneqartoq 2017-imili aallartinneqarpoq.

Ukiunut killigititaq toqqortarineqartarnerallu

Ukiunut killiliineq ingiaqateqartitsisarnerlu

Kalaallit Nunaanni aallaasinik il.il. kiisalu aallaasinut imassanik eqqussinissamut, pilersitsinissamut, pissarsinissamut, paarisaqarnissamut, tigummiaqarnissamut atuinissamulluunniit 15-inik ukioqalersimanngitsunut killeqartitsinissamik atuutsitsilernissaq inatsisissatut siunnersuummi siunertarineqarpoq. Piniarneq aallaaniarnerlu pillugit inatsimmi, piniakkanut killilersorneqanngitsunut sunngiffimmi aallaaniarsinnaanermut akuersissummik meeqqat 12-15-it akornanni ukiullit tunineqarsinnaapput.

Aamma taakkununnga ilaavoq meeqqat 12-15-it akornanni ukiullit piniakkanut killilersukkanut piniarsinnaatitaapput, matumani pineqartoq inummik nammineersinnaassusilimmikk ingiallorteqarpat. Meeqqat 12- nik ukiullit taakkununnga ilaasarnissamik periarfissaqarnissaat qulakkeerniarlugu sakkunik inatsimmi ingiallorneqarnissaanut assingusumik aaqqiisoqassasoq siunnersuutigineqarpoq.

Aallaasit atortullu toqqortarineqarnerat

Kalaallit Nunaannut sakkut pillugit inatsimmi atuuttumi aallaasinik, taassuma ilaanik imassanilluunniit inissiisarnissamut tunngaviusunik malittarisassaqanngilaq. Siunnersuutikkut sakkut tassungalu attuumassutillit imassallu isumannaatsumik allanut susassaqanngitsunit tikinneqarsinnaajunnaarlugit inissinneqartarnissaannik piumasaqaammik atuutsitsilissaaq.

Tamatuma kinguneraa sakkut piginnittut akuersisinnagit imaaliallaannaq tiguneqarsinnaajunnaartillugillu atorneqarsinnaajunnaarnissaat. Siunnersuutip aamma malitsigissavaa aallaasit suulluunnit, taassumalu ilaa imassaannit avissaarsimatinnissaat, ass. imassat amusarissamiitillugit imaluunniit parnaartartumiitillugit aallaammit immikkoortillugit.

Sakkut qanoq tigoriaannaajunnaarsinnissaat aalajangiisuussanngilaq taamaalillunilu aallaasinut ilitsiviit aalajangersimasut qanoq ittuussaneri pillugit immikkut piumasaqaateqartoqassanani. Pingaarnerpaarli tassaavoq aallaasit susassaqanngitsunit imaaliallaannaq tiguneqarsinnaanissaat.

Aallerfik: Naalakkersuisut

- Nuannaarutigaara, maannakkut ukiorpassuit utaqqereerluta siunnersuummik suliaqartussanngoratta, pingaarutilinnik imaqartumik, taamanikkut ersarissarsimasannik, oqarpoq.

Ussassaarut

Siunnersuut maanna saqqummiunneqartoq ukiunut killiliinissamik tunngassuteqarpoq. Akuersissutigineqassappat 15-ileeqqaarluni aallaasitaartoqarsinnaalissaaq atuisinnaalerlunilu. Meeqqalli aqqaneq-marlunnik ukioqalereersut inersimasumik peqateqarlutik piniarnermi aallaasinik atuisinnaassapput.

Aammattaaq aallaasit isumannaannerusumut toqqorneqartalernissaat siunnersuutigineqarpoq, tassa allaasit imassaallu immikkoortillugit inaalinneqarnerisigut meeqqanut allanullu aallaasit atornissaannik ilisimasaqanngitsunut tiguneqariaannaajunnaarsillugit.

Siumumit qularutigineqartoq

Inatsit piniarnermut inuussutissarsiutilinnut ileqqutoqqannullu naapertuunnissaa politikerinit arlalinnit erseqqissarneqarpoq. Aallaasit toqqorneqartarnissaannut malittarisassat allaanerit Siumumit kissaatigineqarput, ukiunulli killigititaq isumaqatigineqarani, Anders Olsen oqaaseqartartutut oqalugiarnermini oqarpoq.

- Siumumimi isumaqarpugut ukiorpassuarni aallaat atorlugu piniarnermik ingerlatsisimanerput matumani aamma sukateriniarnermi oqimaalutaasariaqartoq, aallaaniarneq piniarnerlu kulturitsinnut ilaalluinnartuuneri eqqarsaatigalugit. Meeqqat piniartoqarfimmiut aallaammik tigummiaqarsinnaajunnaarsillugit aalajangersaaniarneq tulluanngilaq akuersaarneqarsinnaananilu.

Taamaattumik siunnersuut ataatsimiititaliamut ingerlateqqinneqarpat partiit naalakkersuisooqataasut isumaqatigiinngissuteqarnissaat ilimanarluinnarpoq. Siunnersuut pilersaarutit malillugit novembarip sisamaani suliareqqinneqassaaq.

Aalajangiiffigisassatut siunnersuutaavoq, tassanilu Inatsisartut sakkut pillugit inatsimmut isummersortussaallutik. Sakkut pillugit susassaqarfik Kalaallit Nunaata akisussaaffiginngilaa, taamaammallu inatsisiliorneq naalagaaffiup akisussaaffigalugu. Taamaattumik Inatsisartut isummersoreerpata inatsisip allanngortinneqarnissaa Folketingimi saqqummiunneqassaaq akuersissutigineqarlunillu.

Pisartagaqarneq

Allaaserisaq tamaat atuarniarukku atuisunngortariaqarputit! Iserit!

Sermitsiaq.gl – Nittartagaq

Sermitsiaq.gl-imi allaaserisat tamakkiisumik atuarsinnaalissavatit
Qaammammut kr. 59.00
Ukiumut kr. 650.00

ATUISUNNGORIT

Asasarput atuartartoq, Sermitsiaq.gl-imut – Kalaallit Nunaanni nutaarsiassanik isornartorsiuisumillu tusagassiornermik saqqummiussiffimmut – tikilluarit. Kiffaanngissuseqarluni tusagassiornerup siuarsarneqarneranik suliniuteqartuarsinnaajumalluta, itisiliillutalu isornartorsiuilluta tusagassiortuarsinnaajumalluta, allaaserisat aalajangersimasut akeqalersippavut. Tamanna iluaqutigalugu allaaserisat pitsaassusaat qulakkeersinnaavarput, tusagassiortuttalu pikkorissut oqaluttuanik pingaarnerpaanik saqqummiussinissaannut tapersersorsinnaavavut. Allaaserisat akillit qaammammut taamaallaat 59 koruuninit akeqarput. Pisineq ajornanngitsuararsuuvoq – ataaniittoq toorlugu saqqummiussavut tamakkiisumik iserfigisalersinnaavatit. Paasinninnerit tapersersuinerillu qujamasuutigaavut. Pituttorsimanngitsumik isornartorsiuisumillu Kalaallit Nunaannut tusagassiortarnissamik suliniuteqartuarnissamut akiliutivit ikiorpaatigut.