Streetfoodimi tillinniartoqarlunilu ATV-nik aallarussisoqartoq
Nuummi tillinniartoqarneranut takunnittunik politiit ujaasipput.
Marlunngornerup unnuaani ilaatigut Nuummi tillinniartoqarneranik aamma Sisimiuni ATV-nik aallarussisoqarneranik politiit nalunaarfigineqarput.
Assiliisoq: Leiff Josefsen
Kalaallit Nunaanni Politiinut ulloq unnuarlu eqqissisimanarsimasoq, pigaartut pisortaat Carl Sværd nalunaarpoq.
Politiilli eqqumaffigisariaqarsimasaat ilaat tassaavoq Nuummi niuernermik ilinniarfimmi inissisimasumik Streetfoodimik nioqquteqartartut qamutaannik tillinniartoqarsimanera.
Politiit marlunngornerup unnuaani nalunaaqutaq 02.59 tillinniartoqarneranik nalunaarfigineqarput, inuusuttullu sisamat tillinniarfimmeersut qimaasut takuneqarsimapput.
- Takunnissimasunik pisullu qanoq ingerlasimaneranik ilisimasaqartoqarpat saaffiginninnissaat kissaatigaarput, Carl Sværd oqarpoq.
Aammattaaq Sisimiuni ATV-nik aallarussisoqarsimasoq politiit nal. 02.11 nalunaarfigineqarput.
ATV-t Arctic Cat-iusut pingasunngornerullu ullaavani suli nassaarineqanngitsut, pigaartut pisortaat oqarpoq.
