Charlotte Ludvigsen peqquserlunnermut
suliat arlallit, ilaatigut ineqarnermut tunngasut, pillugit 2022-mi tunuarmat Avaaraq Olsen borgmesterinngorpoq, taaamani kommunip suliffeqarfiit namminersortut
inaatai piffissami sivisuumi attartorpai, kingornalu inissiat nalinginnaasumik
Iserit aqqutigalugu attartortillugit, tamannalu kommunalbestyrelsip
pisinnaatitaaffiinut inatsimmik unioqqutitsineruvoq.
- Borgmesterinngorama suut
pingaarnerpaatissanerlugit aperineqarpunga.
Charlotte Ludvigsen peqquserlunnermut
suliat arlallit, ilaatigut ineqarnermut tunngasut, pillugit 2022-mi tunuarmat Avaaraq Olsen borgmesterinngorpoq, taaamani kommunip suliffeqarfiit namminersortut
inaatai piffissami sivisuumi attartorpai, kingornalu inissiat nalinginnaasumik
Iserit aqqutigalugu attartortillugit, tamannalu kommunalbestyrelsip
pisinnaatitaaffiinut inatsimmik unioqqutitsineruvoq.
- Borgmesterinngorama suut
pingaarnerpaatissanerlugit aperineqarpunga.
- Kommunalbestyrelsimi eqqissisimaneq
pilerseqqikkusullugu innuttaasullu qinikkanut tatiginninnerat, aammattaarli
qinikkat atorfilittallu akornanni tatiginninnerat pilerseqqikkusullugit akivara.
Taamatut tatiginnittoqarsimanngilaq, taamaammat sulinermi eqqissisimaneq
tatiginninnerlu pilerseqqikkusuppakka, borgmesteri Avaaraq Olsen oqarpoq.
Ukiut marluk affarlu qaangiuttut
kommunimut qinersisoqarnerani Inuit Ataqatigiit sinnerlugit borgmesteritut
qinigassanngortippoq.
- Tatiginnilersitseqqillungalu sulinermi
eqqissinermik pilersitseqqippunga. Ukiuni kingullerni marlunni affarmilu
politikkimik suliaqarnerput politikkikkut pivisusorsiortumik sulinermut
tunngavoq, tamannalu iluatsilluarpoq. Taamaammat kommunimut qinigassanngortinniarlunga
aalajangernera oqissimavoq, minnerunngitsumik qinigassanngorteqqinniarlunga
tapersersorneqangaarnera pissutigalugu, Avaaraq Olsen oqarpoq.
Illoqarfiit pingaarnersaannut periusissiaq
2035
Avaaraq Olsen illoqarfiit pingaarnersaata 2035-mut periusissiaa
kommunalbestyrelsimi tamanit akuerineqartoq oqaluttuaralugu
borgmesterip allaffiani nerriviup takisup nalaani issiavoq.
- Illoqarfiit pingaarnersaannut periusissiap
saniatigut meeqqat ilaqutariillu pillugit politikki, suliffeqarnermut politikki
aamma nunaqarfinnut najugaqarfinnullu pilersaarutit akuersissutigisimavagut –
pilersaarutit minnerpaamik ukiunik qulinik sivisussuseqartut. Taakkua
allanngortinnissaat pilersaarutiginngilarput, tassami innuttaasunik
tusarniaanikuuvugut, akissutaallu ersarilluinnarput: Paaqqinnittarfiit atugaasa
innuttaasunullu kiffartuussinerup attatiinnarnissaat kissaatigaat, Avaaraq
Olsen oqarpoq.
Nuummi meeqqat inuusuttullu
ataatsimoornissaat
Avaaraq Olsenip Kalaallit Nunaanni meeqqat inuusuttullu atugarissaarnerannik
misissuineq taavaa, tassanilu Nuummi meeqqat inuusuttullu sinerissami
sumiiffinnit allanit atugarliornerulutillu kiserliornerusut allassimavoq.
- Taamaammat illoqarfiit pingaarnersaannut
periusissiami 2025-meersumi Nuummi meeqqat inuusuttullu ataatsimoorfissaannik
pilersitsinissaq pingaartinneqarpoq. Nuummi peqatigiiffinnut
illuliortoqarnissaa aaqqiissutissat ilagaat, Avaaraq Olsen oqarpoq nassuiarlugulu
Nuummi peqatigiiffiit marluk, NSP aamma Neriuffik, illuuteqareersut,
peqatigiiffiilli allat ilaasortaminnut sammisassanik aaqqissuussiniaraangamik
ininik attartortariaqartartut.
- Nuummi peqatigiiffiit 80-90-it
missaanniipput. Assigiinngitsunik sanaluttartut, kulturikkut peqatigiiffiit
pinngortitamilu angalaartartut peqatigiiffii. Peqatigiiffiit tamarmik
ilaasortaminnut aaqqissuussinissamut ininik attartornermut aningaasanik atuisariaqarput.
Peqatigiiffiit illunik peqatigiiffinnut attartortittakkamik pisariaqartitsisut
sumiiffinnit arlalinnit tusartarpagut, Nuummilu sanasariaqarpugut – immaqalu
illoqarfinni allani pisariaqartitsiffiusuni assingusumik pilersitsisinnaalluta,
Avaaraq Olsen oqarpoq.
Inuussutissarsiuteqartunut tapersiineq
Inuit Ataqatigiit inuussutissarsiornermut politikki ersarissoq
inuussutissarsiortut suleqatigalugit pilersinniarlugu qineqqusaarnermi
siunertaraat, Avaaraq Olsen nassuiaavoq.
- Inuussutissarsiornermut politikki
ersarissoq pilersinniarlugu inuussutissarsiortut peqataatinneqassapput.
Inuussutissarsiornermut siunnersuisoqatigiit sulinnginnerat pissutigalugu
inuussutissarsiortut oqalliffiannik pilersitsisoqassasoq illoqarfiit pingaarnersaannut
periusissiami isumaqatigiissutigaarput. Inuussutissarsiortut oqalliffiannik
pilersitsisoqassasoq inuussutissarsiortut piumasarisimavaat, tamannalu
isumaqatigiissutigaarput, Avaaraq Olsen oqarpoq.
Aammattaaq illoqarfimmi suliffeqarfiit
tapersersorneqassapput, ingammik sanaartornermut atatillugu.
- Suliffeqarfiit najukkamiittut
atorneqartarnissaat sanaartornerni piumasarissavarput. Pingaartumik maanna
mittarfik naammassineqarmat atuarfiillu sanaartorneqarneri
naammassineqangajalermata suliassat amigaataapput. Nuummi sanaartornerup
unittoornissaa imaluunniit suliffeqarfiit akiliisinnaajunnaarnissaat
ernummatigineqarpoq. Kommunip tungaanit ukiup ingerlanerani pilersaarusiortarnissaq
sulissutigisariaqarparput. Suliffeqarfiillu suliassanik
amigaateqannginniassammata ukiut arlallit iluarsaassisoqarnissaanut Iserit A/S
ukiunut tulliuttunut qulinut pilersaarusiussasoq ilaatigut piumasarivarput,
Avaaraq Olsen oqarpoq, taannalu aamma aallarnisaasunut pitsaanerusumik
siunnersuisoqarnissaanik kissaateqarpoq.
- Aallarnisaasut suliniutiminni
pitsaanerusumik siunnersuineq siunnersorneqarnerlu amigaatigigaat paasivarput,
Avaaraq Olsen, Nuuk Maritime Netværkip Qeqertani ineriartortitsinissamut
pilersaarutaanik aamma tapersersuisoq, oqarpoq.
- Qeqertani pilersaarutit maanna
mikivallaareersut tapersersorpagut. Kommunip Nuuk Maritim Netværk, aningaasaqarnermut iluaqutaasumik umiarsualivimmik
pilersaaruteqartut, qanimut suleqatigai. Neriuppugut pilersaarutit piviusunngorumaartut,
Avaaraq Olsen oqarpoq.
Nuuk Issittumi illoqarfiit
kulturisiorfiusut pingaarnersaattut
- Nuuk Issittumi illoqarfittut
kulturisiorfittut pingaarnersanngortinniarlugu anguniagaqarpugut, maannalu
nunanut tamalaanut mittarfittaareeratta ukiup ingerlanerani takornariaqarnermik
pilersitsinissamut periarfissaqalerpugut, tassani kulturi aamma inuussutissarsiutaalersinnaalluni
– kulturilerinermik suliaqartunut aamma kiffartuussinermik
akunnittarfeqarnermillu suliaqartunut. Tamanna sinerissamut tamarmut
iluaqutaassaaq, Avaaraq Olsen oqarpoq.
- Eqqumiitsuliorneq kulturilerinerlu
timersornermut ullumikkut tapersersorneqarluartumut naligitikkusuppagut,
Avaaraq Olsen oqarpoq.
Billedtekst:
Borgmesteri Avaaraq Olsen (IA) kommunalbestyrelsimi sulinermi eqqissisimaneq
tatiginninnerlu pilerseqqissimallugit misigivoq, Nuummilu meeqqat inuusuttullu
atugarissaarnissaat siuarsarniarlugu qinigassanngortippoq.
Assiliisoq: Oscar Scott Carl
