Nalunngilluarpat.
Unnuami anartarfiliarlutit qulleq ikikkaangakku sølvfiskit
qimarrattarput.
Nalunngilluarpat.
Unnuami anartarfiliarlutit qulleq ikikkaangakku sølvfiskit
qimarrattarput.
Tamanna
nalinginnaalluinnarpoq. Sølvfiskit sullinerupput naviananngitsut
isugutasumi, soorlu uffartarfimmi igaffimmiluunniit nerriviup ataani
uumasuulluartartut. Ajoqusiineq ajorput, ilaatigullu sullerngit
toqungasut qaqorsaatillu sinnikui nerisarisarpaat.
Maannali
sølvfiski sullinermik allamik anginerulaartumik Skægkræmik
atilimmik uumasoqateqalerpoq – taannali nerrersunersuarmigut
ilaatigut atuakkanik qalipakkanillu annertuumik ajoqusiisarpoq.
Sølvfisk takisuumik 10-12mm timeqarpoq, takisuunik antenneqarluni mikisunillu tattaqarluni, taamaalilluni tungujuartumik qasersumilluunniit qillaalasumik qalipaateqarpoq. Sølvfisk sukkasuujuvoq aalisakkatullu aquutersorluni ingerlasarluni. Søvlfisk piffinni isugutasuniikkumanerusarpoq. Taartumi piffinnilu isugutasuni soorlu igaffinni, uffarfinni, kiilerini illullu qaliaanni siumorneqarnerusarpoq. Ullukkut quppani toqqoqqasarput unnukkullu nerisassarsiorniarlutik anillattarlutik.
Assi: Wikipedia
Atuakkat
nuutillu puui nerisarai
Danmarkimi
skægkræ 2017-mi siullermi nalunaarsorneqarpoq.
Sukkasoorujussuupput
ukiullu arfineq-marluk missaanni uumanerminni 200-t angullugit
manniliortarput. Taartumi taamaallaat anillattarpoq.
Qalipaataa
taartuugajuppoq, sølvfiskitullu, ilaqutaatut taaneqarsinnaasutut
qillaalasuunani. Skægkræ assigiinngiiaartunik nerisaqarnerata
ajornatorsiutaalersippaa, soorlu nersiassat, atuakkat, pappiaqqat,
qalipakkat nuutaatitoqqatalu puui nerisarpai.
Sullerngit ima ingalassimatissavat
Skægkræ ingalassimatinniarlugu ima iliorsinnaavutit:
-
Poortukkat silami ammartarlugit pappiaqqallu puui eqquttarnagit,
tassanimi skægkræ toqqorsinnaasarpoq.
-
Isugutak pinaveersimatiguk, silaannarissaalluartarit.
-
Pujoralaajaasarit angerlarsimaffiillu eqqiluitsuutiguk.
-
Nerisassat/nerisassiassat panertut soorlu qajuusat suaasallu
matoqqasunut poortakkit.
Issuaaffik:
Avatangiisinut aqutsisoqarfik
Danmarkimi,
Norgimi Sverigimilu siumorneqartalerpoq, tassanilu toqqorsivinni
katersugaasivinnilu skægkræ atuakkanik, qalipakkanik
imilertarissanillu qalipakkanik nerilluataartarpoq. Taamaammat
katersugaasivimmiut uumasuaraq taanna ajoqusiisinnaasupilussuaq
ilungersunartuutippaat.
Naalagaaffiup
katersugaasivissua sillimasoq
Skægkrælu
maanna aamma nunatsinnut anngussimanersoq apeqqutaalerpoq.
-
Ajornartorsiut eqqummaariffigaarput. Qujanartumik suli
katersugaatitsinni skægkrænik siumugaqanngilagut, Michael Nielsen
Nunatta Katersugaasivianit Allagaateqarfianeersorlu oqarpoq.
-
Nunatta Katersugaasiviata skægkræ uumasullu ajoqutaasut allat
eqqummaariffigaat. Saqqummersitatta toqqorsivianni, toqqorsivitsinnut
atortuusivitsinnullu allanut skægkræ anngunnissaanut
upalungaarsimavugut.
-
Ilaatigut inini silaannaap isugutannginnissaa anguniarparput,
toqqortaatillu nutaat suliarineqarlutillu allamiitinneqaqqaarlutik
aatsaat toqqortaatitta allat akornannut inissinneqartarput. Iliuutsit
allat tassaasinnaasarput Nunatta katersugaasiviata illutaanik
eqqiaalluarneq sullinernillu pullatit atorlugit alapernaarsuineq.
-
Nunatta Katersugaasiviani Allagaateqarfianilu suli skægkrænik
siumuisoqanngilaq. Taamaattoq ullumikkut ilasatigut skægkrænik
isaavigineqarsinnaanitsinnut aarlerinaatit annertunerunerat
eqqummaariffigaarput, taamaammallu katersugaatit
alaatsinaattuartarpavut, Michael Nielsen oqarpoq.
Nunatta Katersugaasivia Allagaateqarfialu manna tikillugu skægkrænik, pappiaqqanik qalipakkanillu nerisartunik saassunneqanngilaq. Katersugaasiviup ajornartorsiut eqqummaariffigilluaraa, kurator Michael Nielsen oqaluttuarpoq.
Assi: Leiff Josefsen
Nunanit
allanit poortukkatigut tikittartut
Skægkræ
Amerikap qeqqaninngaanneersuuvoq, nunarsuullu ilaani piffinni
amerlasuunut siaruaassimalluni. Angalanerunitsigut siaruaanneruvoq –
aammali internetikkut niuernerulernitta taassuma piffinnut nutaanut
anngussinnaanera periarfissaqarluartilerpaa.
Tamatuma
juulli sioqqutitsiarlugu danskit avatangiisinut aqutsisoqarfiata
poortukkat nunanit allaneersut tamarmik silami
ammarneqartarnissaannik – puuisalu eqqunneqartannginnissaannik
kaammattuuteqarneranik kinguneqarpoq. Skægkræmi Danmarkimi
Kalaallillu Nunatsinni silami uumasinnaanngilaq.
Skægkræp
suut tamaasa nerivai, sinnikunillu, qajuusami, nerisat sinnerinik,
sullinernik toqungasunik kiisalu annoraaminernik pappiaqqanillu
nerisaqarpoq. Taamaammat danksit avatangiisinut oqartussaqarfiata
eqqiaalluartarnissaq quppallu naqqillu ataasa pujoralaajartarnissaat
taamatullu panertuutit matusartunik poorneqartarnissaat
kaammattuutigaa.
