Kommuneqarfik Sermersooq teknikkikkut annertuumik ajornartorsiortoq nalunaarutigineqarpoq

Kommuneqarfik Sermersuup qaraasaasiakkut atortorissaarutaasa ilai marlunngornerup ullaavani teknikkikkut annertuumik ajutooqqapput.

Taanna kommunip nittartagaani atuarneqarsinnaavoq.

Pisut annertussusaata misissorneqarnerani isumannaallisaaneq pillugu systemit arlallit matoqqagallartinneqartut kommunimiit paasissutissiipput.

Ajornartorsiutinit allaffissornikkut sulinerit, digitalikkut sullissinerit aamma elektronikkikkut sullissinerit annerusumik sunnerneqarput. Kommunillu oqarasuaataat aamma attavigineqarsinnaanngikkallarput.

- Piffissami matumani pisup annertussusaata imaluunniit tamakkiisumik nalinginnaasumik ingerlatsilernissap qaquguunissaanut naatsorsuutit aalajangiiffiginissaanut suli siusippallaarpoq, Kommuneqarfik Sermersuumiit allapput.