KL

DK

ULLORMUT NALUNAARUSIAQ

Qaqortumi aqqusinermi ajutoortoqartoq - aquttoq imigassartorsimalluni biilersimasutut pasineqartoq

Angallannermi ajutoortoqarsimaneranik politiit ataasinngornermi nalunaarfigineqarput.

Thomas Munk Veirum
Thomas Munk Veirum Tusagassiortoq
Saqqummersinneqarpoq

Qaqortumi aqqusinermi ajutoortoqarneranik ataasinngornermi ullaakkut nalunaaqutaq 06.50 politiit kalerrinneqarput, pigaartut pisortaat Aputsiaq Hansen oqaluttuarpoq.

Politiit ornigupput, biilinillu aquttup ilaasuisalu ajoquserneri katsorsarneqassammata ambulancenit napparsimmaviliaanneqarput.

Biilinik allanik ajutoortoqanngilaq, politiillu misissuineranni aquttoq imigassartorsimallunilu biilernermut allagartaqanngitsoq paasinarsivoq.

Angallannermi ajutoortoqarneranik suliap saniatigut politiit ulluni kingullerni aqqusinermi eqqissiviilliornerit, aalakoorpallaartut, nakuusernerit, imminut toqunnissamik sioorasaarisut kiisalu angerlarsimaffinni eqqissiviilliornerit tillinniarnerillu pillugit nalunaaruterpassuit suliarisimavaat, pigaartut pisortaat oqaluttuarpoq.

- Pisimasut amerlanersaat imigassartortoqarsimaneranut tunngassuteqarput, Aputsiaq Hansen oqarpoq.

aputsiaq hansen imigassamik sunnertisimaneq aqqusinermi ajutoorneq qaqortoq inuiaqatigiit politiit

Atorfiit tamaasa takukkit

PODCASTI

Powered by Labrador CMS