Kalaallit Nunaanni Danmarkimilu Naalakkersuisut, siorna septembarimi, 2026-imit 2029 ilanngullugu atuuttussamik, tunngaviusumik isumaqatigiissuteqarput. Tassani danskit naalakkersuisui Kalaallit Nunaanni suliniutinut, ukiuni taakkunani ukiumut katillugu 400 millionit koruuninik, aningaasaliisarnissaat isumaqatigiissutaavoq.
Taakkua ilaatigut Qaqortumi talittarfissamut Ittoqqortoormiinilu mittarfissamut atorneqarnissaat isumaqatigiissutaavoq. Allarluinnarmilli 2026-imi aningaasaliisinnaanissaq aamma siunniunneqarsimasoq, politikkikkut aningaasaqarneq pillugu nalunaarummi erserpoq.
Kalaallit Nunaanni Danmarkimilu Naalakkersuisut, siorna septembarimi, 2026-imit 2029 ilanngullugu atuuttussamik, tunngaviusumik isumaqatigiissuteqarput. Tassani danskit naalakkersuisui Kalaallit Nunaanni suliniutinut, ukiuni taakkunani ukiumut katillugu 400 millionit koruuninik, aningaasaliisarnissaat isumaqatigiissutaavoq.
Taakkua ilaatigut Qaqortumi talittarfissamut Ittoqqortoormiinilu mittarfissamut atorneqarnissaat isumaqatigiissutaavoq. Allarluinnarmilli 2026-imi aningaasaliisinnaanissaq aamma siunniunneqarsimasoq, politikkikkut aningaasaqarneq pillugu nalunaarummi erserpoq.
Innuttaasunut 45 millionit koruunit?
Danskit kalaallillu naalakkersuisuisa nunatsinni innuttaasut inuussutissanut ukioq manna 45 millionit naliginut tapisinissaat siunnerfigisimavaat. Tamanna nunatta Naalakkersuisuisa akuerisimagaat, akuersinerlu danskit aningaasaqarnermut ministeriaqarfianut allakkianngorlugu nassiussimagaat, nalunaarummi allassimavoq.
- Suliniut Naalakkersuisunit akuerineqarpoq. Tamannalu pillugu allakkat
Danmarkimi aningaasaqarnermut ministerimut nassiunneqarsimallutik, nalunaarummi, aningaasaqarnermut naalakkersuisoqarfiup suliaani, allaasimasoqarpoq.
Folketingimut upernaaq manna qinersisoqareernerani danskit suli naalakkersuisortaanngimmata inuussutissanut tapisisinnaanissaq pillugu Naalakkersuisut suli akissummik utaqqipput.
- Folketingimut qinersineq pissutigalugu
akissut suli tiguneqarsimanngilaq, naalakkersuisoqarfik allappoq.
Nioqqutissat akitsoraluttuinnartut
Inuussutissanut tapit - isumaqatigiinniutigineqassappata akuerineqassappatalu - innuttaasunut iluaqutaalluarsinnaassapput.
Tassami Aningaasaqarnermut Siunnersuisoqatigiit ukiup affaanut siorna nalunaarusiaminni, Kalaallit Nunaanni aningaasat naleerukkiartornerat ima naatsorsorpaat: 2024-mi 3,6 procenti, 2025-mi 2,8 procenti aamma 2026-mi 2,0 procenti. Aningaasat naleerukkiartornerat annikillisimagaluarpoq, taamaattorli nunatsinni aningaasat Danmarkimit suli nalikinnerupput.
Aningaasat naleerukkiartornerisa saniatigut nioqqutissat aamma akitsoriartorput. Kaffinut, nersussuup puulukillu neqaannut, sukkunut, tipigissaatinut eqqiluisaarnermullu atortunut akitsuutit ukiuni kingullerni atorunnaarsinneqaraluartut, nioqqutissat nunatsinni Danmarkimut sanilliullugit suli akisunerupput.
Danskit naalakkersuisui akuersissanersut suli qularnartoq
Sermitsiap paasissutissaatai naapertorlugit, Naalakkersuisut, inuussutissanut Kalaallit Nunaanni innuttaasunut, danskit tapiinissaannut akuersinerat, suliap akuerineqarneranik isumaqanngilaq. Naalakkersuisummi akuersinerat danskit naalakkersuisortaavinut isumaqatigiinniutaaqqaartussaavoq.
Inuussutissanut tapit Danmarkimi takornartaanngillat. Inuussutissanut tapiissut 4,5 milliardit koruuninik aningaasartalik, Danmarkimi partiit amerlanerussutillit, Danmarkimi ukioq manna najugalinnut agguaanneqassasoq, ukioq manna januaari naalersoq akueraat.
Inuussutissanut tapiissut ataasiartumik akileraarusernagu tunniunneqarpoq. Tapiinermi inuussutissat ukiuni kingullerni akisunerulernerat tunngaviuvoq.
