Sumiiffinni arlalinni suli silarlussaaq

Kujataa sapaatip akunnerata naanerani anorersuassaaq. Avannaani sisamanngornermi timmisartuussisoqassanngilaq. Tasiilami suli anorersuarnissaa aarlerisaarutaavoq.

Tunumi kitaanilu silarlunnera pingasunngornermi allaaseraarput. Kujataani avannaanilu silarlunnera sisamanngornermi allaaseraarput.

Assi: Leiff Josefsen

Morten Okkels Morten Okkels Tusagassiortoq

Saqqummersinneqarpoq 13. Februaari 2025 - 13:49

Annonse

Anorersuaq Kitaata Tunullu ilarujussuani suli atuuppoq.

DMI-p Kommune Kujallermi sivisunerusumik anorersuarnissaa ilimasaarutigaa.

Anorersuaq kategori-2 aarlerisaarutigineqarpoq, anoraasuarsuartut sakkortutigisarsinnaasoq 45 m/s tikillugu.

Aarlerisaarut tallimanngornermi nalunaaqutaq ualikkut pingasuniit sapaammi nalunaaqutaq ullaap tungaani qulip tungaanut atuutissaaq.

Tasiilami anorersuarnissaanik ilimasaarut maanna atuuttoq sisamanngornermi unnukkut arfineq-marluk tungaanut atuuppoq.

Nunatta avannaani sisamanngornermi anorersuarnissaa ilimasaarutigineqanngilaq, anorili peqqutaalluni Sisimiuniit avannaanut timmisartuussinerit tamarmik taamaatiinnarneqarput.