Sungiusaasoq kannguttaatsuliorsimasutut pasineqarnerup kingorna kattuffimmit peersitaavoq
Kattuffik pineqartumit sumiginnarneqarsimasutut misigivoq, tatiginnilersitsisoqarnissaalu sulissutiginiarpaa, Badminton Kalaallit Nunaanni siulittaasoq allappoq.
Kannguttaatsuliortoqarsimaneranik pasilliisoqarnera politiinit maanna misissorneqartoq, sulorartartut peqatigiiffiat ilisimatitsivoq.
Assiliisoq: Leiff Josefsen
Sulorartartut kattuffiat kannguttaatsuliortoqarsimaneranik pasineqarnermik eqqugaasoq, Badminton Kalaallit Nunaat ilisimatitsivoq.
Kattuffik ukiukitsunut kannguttaatsuliorsimanermik pasilliummik paasitinneqarsimalluni nalunaarummi allappoq, tamannalu soorunami kattuffiup akerleralugulu akuerinngilaa.
Pineqartoq ingerlaannartumik katerisimaartarnernit akuutinneqarunnaarlunilu, sungiusarnerni peqataasinnaajunnaartinneqarlunilu siulersuisuuffianit atuuffeerunneqarpoq:
- Kattuffimmi taamatut nalaataqarnerput annikilliuutigaarput, timersortartoq sungiusaasuujutigisoq tatigisarput taamatut pasineqarmat, siulittaasoq Michael Kleist nalunaarummi allappoq.
Kalaallit Nunaanni Politiit oqartussaasullu suliamut tunngatillugu pisinnaasaq malillugu ikiorniarsarineqartut, nangilluni ilisimatitsivoq:
- Suliamut atatillugu nalunngisaqaruit pisortaqarfinnut nalunaarusiornissannut innersuutissavatsigit – kommuniusinnaavoq politiilluunniit.
Kattuffiup Timersoqatigiifiit Kattuffiat peqatigiiffillu suleqatigalugit timersornermut tatiginnissinnaaleqqinnissaq sulissutiginiarpaa:
- Nalaataqarsimasunut misiginneqataalluta neriuppugut suliaq naammassilluarumaartoq, Michael Kleist allappoq.
