Watsonip Japanimi
oqartussanut tunniunneqarnissaanut tunngavissaqarnersoq maanna Danmarkimi
Naalagaaffiup eqqartuussissuserisuata nalilersuleruttorpaa.
Akerliussutsimik
takutitsisup Paul Watsonip Kalaallit Nunaanni tigummigallarneqarnera pillugu
akerleriissutaasoq, maanna sapaatip-akunnerisa aqqaneq-aappaannut ingerlasoq,
naalakkersuisut Naalagaaffeqatigiillu arfanniarnermut tunngatillugu
oqallinnermi sakkortuumik assortuussutigaat.
Watsonip Japanimi
oqartussanut tunniunneqarnissaanut tunngavissaqarnersoq maanna Danmarkimi
Naalagaaffiup eqqartuussissuserisuata nalilersuleruttorpaa.
Akerliussutsimik
takutitsisup Paul Watsonip Kalaallit Nunaanni tigummigallarneqarnera pillugu
akerleriissutaasoq, maanna sapaatip-akunnerisa aqqaneq-aappaannut ingerlasoq,
naalakkersuisut Naalagaaffeqatigiillu arfanniarnermut tunngatillugu
oqallinnermi sakkortuumik assortuussutigaat.
- Tunniussinissamik
suliat nunanit allanit nunatsinneersunit taama soqutigineqartigineq ajorput,
inatsisinik atortitsinermut ministeri Peter Hummelgaard (S) qanittukkut
Folketingimi inatsisinut ataatsimiititaliamit suliaq pillugu
isumasioqatigineqarnissaminut qaaqquneqarami oqarpoq.
Inatsisinik
atortitsinermut ministerip suliaq suli suliarineqartoq, taamaattumillu
sukumiisumik oqaaseqarsinnaanani arlaleriarluni oqaatigisariaqarsimavaa.
Nalorsartoq?
Taassumali
oqaluttuarisinnaavaa suliaq juulip aqqaneq-aappaanni aallartittoq, Kalaallit
Nunaanni Politiit Savalimmiuni Politiinit nalunaarfigineqaramik umiarsuaq John
Paul DeJoria, kattuffimmut Captain Paul Watson Foundationimut
attuumassuteqartoq, Dublinimit Manerassuarmut avannamut avannamut ikaarluni
aallarsimasoq.
Paasissutissat taakku
peqatigiiffiup nittartagaanit tigusaapput, Savalimmiunilu politiit Paul Watson
Japanimi eqqartuussivimmiit ujaarineqartoq aamma ilisimatitsipput. Kingorna John
Paul DeJoria Nuummut tulammat Kalaallit Nunaanni Politiit
tigusarinnikkiartorput.
Peter Hummelgaardip
naalakkersuisut tunniussinissamik isumaqatigiissutit pimoorulluinnartaraat
erseqqissarpaa.
- Pinerluttunik
tunniussisoqartillugu suliap peqqissaartumik suliarineqarnissaa
pingaaruteqarpoq, aamma nunanut mikisunut Danmarkitut ittunut pinerluttunik
pasineqartunik Danmarkimi pinerlunnerminnut akisussaatinneqartussanik
tunniussisoqarsinnaammat, ministeri oqarpoq.
Ministeri taallannguamik
Søren Egge Rasmussenimiit Enhedslistenimeersumiit isumasioqatigiinnerup
ingerlanerani saqqummiiffigineqarpoq, taassumalu Japanimiut ileqquusumik
pingasunik oqaaseqatigiitalimmik taallioriaasiat haiku malippaa:
- ”Japanip arfeq
toquppaa - Watson aasaq nillersoq Kalaallit Nunaat - Hummelgaard nalorsartoq.” Suliarmi
inatsisinik atortitsinermut ministerip nerrivianut pippat susoqassanersoq
malinnaavigalugu soqutiginarpoq, Folketingimi ilaasortaq oqarpoq.
Peter Hummelgaard
nalorsarnani oqartussallu tunniussinermut suliat piviusorsiortumik,
peqqissaartumik eqqortumillu suliarisaraat tatigigamiuk tunngavissaqarluarluni
akivoq.
Skaale Watson pillugu
SF-ip Watsonip
tunniunnissaannut Japanip pissutaa qularalugu isumasioqatigiinnermut
aggersaavoq.
- Malugisinnaavara Paul
Watson arfannianillu Japanimiunik isornartorsiuisartut qunusaarnissaat
pineqarnerusoq, Carl Valentin SF-imeersoq oqarpoq.
Ilisimaneqartutuut
arfernik illersuisoq Nuummi pineqaatissinneqarsimasut inissiisarfianni
tigummigallagaavoq, ilaasortalli kalaallit arlaannaalluunniit
isumasioqatigiinnermut peqataanngilaq.
Paul Watsonip arferit illersornikuunngisaannarpai. Imminuinnaq sullippoq
– Sjúrður Skaale, MF (Javnaðarflokkurin)
Savalimmiuniilli
ilaasortaq Sjurdur Skaale (JV), suliaq pillugu arlaleriarluni
oqaaseqartarsimasoq, peqataavoq, tassami Savalimmiuni ileqquusumik
niisarnarniarneq pillugu Watsonip akerliussutsimik takutitseriaasianut atatillugu
Skaalep oqarneratuut ”Watson Savalimmiuni ilisimavaat”.
Sjurdur Skaale avatangiisinik
illersuisoq pillugu inissisimaffimminik isumasioqatigiinnermi ersarissumik
oqariartuuteqarpoq:
- Paul Watsonip arferit
illersornikuunngisaannarpai. Imminuinnaq sullippoq, Sjurdur Skaale ilaatigut
oqarpoq, Paul Watsonilu kattuffinnut marlunnut, Greenpeacemut Sea
Sherpherdimullu pilersitseqataaffigisimasaminut ilaasortaajunnaarsimasoq
ilanngullugu eqqaavaa.
Taarsiullugu kattuffimmut
allamut ”The Captain Paul Watson Foundation”-imut maanna ilaasortaavoq,
taakkulu digitalimik atsioqattaartitsinikkut Watsonip Nuummi
pinerluuteqarsimasunut inissiisarfimmiit iperagaanissaa nittartakkaminni
sukannersumik kajumissaarutigaat.
Allaaserisap
allanneqarnerani inuit nunani tamalaaniittut 150.000-it atsioreersimapput. Suliamut
atatillugu aningaasaliiniaraanni aamma tuugassaq ”donate now” (tunissuteqarit, aaqq.)
toorneqarsinnaavoq.
Sjurdur
Skaalep suliamut atatillugu ”inatsisinik atuutsitsinermut ministeri
isumaqatigilluinnarlugu” oqaatigaa:
- Naalagaaffiup inatsisit tunngavigalugit
naalakkersukkap tunngaviisa najoqqutarinissaat eqqortutuaavoq, Sjurdur Skaale
oqarpoq.
