Takornarianut illuaraq nungulluni ikuallattoq

Illuaraq Ilulissat kangianiittoq sisamanngornerup unnuaani nungulluni ikuallappoq.

Kalaallit Nunaanni Politiini pigaartoq Carl Sværd paasissutissiivoq.

Politiit ikuallattoqarnera pillugu nalunaaqutaq 01.52 nalunaarfigineqarput, politiillu qatserisartullu illuaqqamut takornarialerisut suliffeqarfiannit pigineqartumut ornigupput.

Oqartussaasulli iliuuseqarsinnaasimanngitsut pigaartut pisortaat oqarpoq:

- Illuaraq nunguilluni ikuallappoq. Qujanartumik illuaraq inoqanngilaq, taamaattumik ajoqusertoqarani, Carl Sværd oqarpoq.

Ikuallattoqarneranut suna pissutaanersoq oqaatigissallugu siusippallaartoq pigaartut pisortaat oqarpoq.

Sisamanngornerup unnuaani ikuallattoqarnerata nalunaarutigineqarnerata saniatigut Nuummi pisiniarfimmi tillinniartoqarneranik politiit aamma nalunaarfigineqarput.

Tillinniartoqarnera unnuami nalunaaqutaq pingasunut nalunaarutigineqarpoq, pigaartullu pisortaata tassunga tunngatillugu oqaatigisinnaasai maanna killeqarput.