TASIILAMI PASINARTUMIK TOQUSOQARSIMANERA
Tasiilami toqusup atia assingalu politiit saqqummiuppaat takunnissimasinnaasunillu ujartuillutik
Arfininngornermi 40-nik ukiulik Tasiilap umiarsualiviani toqungasoq nassaarineqarpoq, politiillu suliaq pasitsannartutut suliaraat.
Asseq: Oscar Scott Carl
Arfininngornermi ullaakkut nal. 10.12 politiit kalerrinneqarput inuk toqungasoq Tasiilap umiarsualivianiittoq. Politiit nassaarfimmiipput suliarlu pasitsannartutut misissorpaat.
Dines Qeqe Tasiilap umiarsualiviani arfininngornermi toqungasoq nassaarineqarpoq.
Foto: Grønlands Politi
Politiit maanna toqungasup aqqa assialu saqqummiuppaat,, angummik pineqartumik toqunnginnerani takunnississimasinnaasut oqartussaasut attaveqarfigerusukkamikkit.
40-nik ukiulik Dines Qeqe pineqartoq, Kalaallit Nunaanni Politiit tusagassiorfinnut nalunaarummi ilisimatitsipput.
"Angutip atia Politiit saqqummiuppaat angutip sumiissimanera pillugu ikiorserneqarnissamik neriuuteqarlutik. Politiit paasiniarpaat tallimanngornermi oktobarip qulingiluaani unnukkut arfininngornermilu oktobarip aqqarngata akornanni sumiissimanersoq sulerisimanersorlu ilisimannittoqarnersoq. Tassa timaata toqungasup nassaarineqarnissaata tungaanut sulerisimaneranik ilisimannittoqassappat oqartussaasut attaviginnikkusupput," politiit tusagassiorfinnut nalunaarummi allapput.
Politiit kaammattuutigaat kikkulluunniit suliamut paasissutissanik pigisaqarunik Politiit vagtcentraliannut oqarasuaat 701448-mut attaveqaqqullugit.
