Thulemi 1968-imi ajunaarnermi podcastimi nutaami paasissutissat nutaat saqqummiunneqartut
Thulemi januaarip 21-ani 1968-imi unnuakkut qaartoqarnerani Thule qaammaallarujussuarpoq. Amerikamiup timmisartuat qaartartumeerisartoq B-52 sisamanik brintinik qaartartoqarluni sikumut nakkarpoq. Podcasti "Bakspejl" immiussanik saqqummiunneqarnikuunngitsunik pissarsianik saqqummiussivoq.
Thule-området danner scenen for en ny podcast fra DR.
Trine Juncher Jørgensen
DR-ip aallakaatitassiaani "Bakspejl" nutaamik podcastilioqqammerpoq. "Bomberne på isen".
Amerikamiut timmisartuat, brintinik sisamanik qaartartuusunik useqarluni nakkarmat, Thule qaammaallarujussuarpoq. Tamanna januaarip 21-ani 1968-imi pivoq.
Jens Zinglersen ulloq taanna takunnittuuvoq.
Takunnittuusoq Jens Zinglersen susoqarnersoq paasiniarlugu sikumukarpoq. Tamannalu pillugu tusagassiortut malinnaapput.
Ajunaarnerup apeqquterpassuit sarsuatippai: Qaartartut sisamat sumiiffigisap eqqaanut nakkaraangata qanoq iliortoqartarpa? Thulemi innuttaasunut qanoq sunniuteqarpa? Sooruna Kalaallit Nunaata silaannaani qaartartumeerisartumik timmisartoqartoq?
"Bomberne på isen" immiussanik qanganisaasunik tusarneqarnikuunngisaannartunillu qalluivoq. Taakku immiussat apeqqutinik apeqqutigineqartuaannartunut akissutissiisinnaapput.
Podcasti DR Lydimi maanna tusarnaarneqarsinnaalereerpoq.
Immikkoortuni marluusuni kingulleq oktobarip arfineq-aappaanni saqqummissaaq.
