Timmisartumik angalasut amerleriartut

Timmisartumik angalasut siornamut sanilliullugit qaammatini siullerni marlunni 5,7 procentimik amerleriarsimapput. Tamanna Naatsorsueqqissaartarfiup kisitsisaataasa takutippaat.

Danmarkimiit Nuummut timmisartuussisoqartalernerata kingorna Nuummi tikittut soorunami amerleriarujussuarsimapput.

Toqqorsivimmit: Assi: Leiff Josefsen

Thomas Munk Veirum Thomas Munk Veirum Tusagassiortoq

Saqqummersinneqarpoq 4. Apriili 2025 - 09:06

Annonse

Nuummi mittarfissuartaareernerata kingorna angallanneq allannguuteqarsimasoq timmisartumik angallanneq pillugu kisitsisit nutaat takutippaat.

Nuummi mittarfimmiit angalasut amerlipiloorsimapput, Kangerlussuarmili atlantiku qulaallugu timmisartuussineri mittarfiusimasumut tikittoqarpiassaarsimalluni.

Timmisartumut ilaallutik Kangerlussuakkoortut ukioq manna qaammatini siullerni marlunni 327-upput, siorna 7.668-iullutik.

Nuummilu mittarfik ilaasunit 8.536-nit tikinneqarsimavoq.

2025-mi januaarimi februaarimilu timmisartumik angalasut katillugit 8.991-iupput, tassa 2024-mi piffissamut tassunga sanilliullugu 5,7 procentimik amerleriartut Naatsorsueqqissaartarfik paasissutissiivoq.