Toqutsisimanermut sakkortuumut eqqartuussissut: Angut pineqaatissinneqarpoq
Angut 22-nik ukiulik arnamik 82-nik ukiulimmik toqutsisimasutut tallimanngornermi piffissaligaanngitsumik isertitsivimmiittussanngorlugu pineqaatissinneqarpoq. Angutip aniguinissani siunertaralugu aalajangiineq suliareqqitassanngortippaa.
Angutip eqqartuussivimmi eqqartuussut suliareqqitassanngortippaa.
Toqqorsivimmit assilisaq: Leiff Josefsen
Tallimanngornermi politiit misissuinerat aammalu eqqartussineq sivisooq naammassineqarallarpoq, suliaq tassaavoq Nuummi januar 2023-mi arnamik 82-nik ukiulimmik sakkortuumik toqutsisimaneq.
Februaarimi 2023-mi politiit angut pasineqartoq tigusaraat, taannalu kingusinnerusukkut tigummigallagaasimavoq, uanilu sapaatip akunnerani eqqartuussivimmi Sermersooq Kredsret-imi suliaq ingerlanneqarpoq.
Maanna 22-nik ukiulik angut pisuutinneqarpoq naapertorlugu unnerluussisussaatitaasup naqissuserpaa aamma pineqaatissinneqarpoq killiligaanngitsumik isertitsivimmiittussanngorlugu.
Angutilli eqqartuussut suliassanngorteqqippaa aniguisinneqarnissani anguniarlugu. Taamak Sermitsiamut ilisimatitsivoq Kalaallit Nunaanni Politiini immikkut unnerluussisussaatitaasoq, Signe Egsgaard.
Pisoq ilungersunartoq sakkortoqisorlu
Immikkut unnerluussisussaatitaasup suliap inernera siulleq naammagisimaarnera:
- Naammagisimaarinnippugut suliaq pillugu naliliinerput eqqartuussiviup isumaqatigimmagu aammalu pineqaatissiissutigineqartoq naammagisimaarparput.
- Pineqartoq ilungersunartuullunilu sakkortoorujussuuvoq, aammalu nukippassuit atorlugit paasiniaanerput naammassiniarnikuuarput, taamaammat naammagisimaarinnippugut tamanna maanna iluatsissinnaaleratsigu, Signe Egsgaard oqarpoq.
22-nik ukiulik unnerluutigineqartutut eqqartuussivimmi pisuutinneqarpoq, unnerluussissutigineqartumi allaaserineqartut malillugit angut taanna arnamik Nuummi angerlarsimaffiani sakkunik atuilluni toqutsisimasutut pisuutinneqaarpoq.
Aamma angutip arnaq pinngitsaalillugu arneriffigisimavaa toqoreerneratalu kingorna timaa kanngutsaatsuliorfigisimallugu, kiisalu arnap toqutaasup inaa angutip ikuallatsissimavaa ikummatissat imerpalasut atorlugit.
Ikuallanneq angerlarsimaffimmi annertuumik ajoqusiivoq, kisianni ikuallaaneq allanut angerlarsimaffinnut qujanartumik siaruaassimanngilaq, iltimik amigaateqarnera aamma qatserisartut tikiutipallannerat pissutaallutik, unnerluussissutigineqartumi taama inerniliunneqarpoq.
