Transparencyp Ammasuunermut nersornaasiinissamut innersuussisoqarsinnaanera sivitsorpaa
Inuk Lundbladip, Transparency International Greenlandimi siulittaasup, Ammasuunermut nersornaammut innersuussutinik nassiussisoqassasoq kaammattuutigaa.
Inuk Lundbladip, Transparency International Greenlandimi siulittaasup, Ammasuunermut nersornaammut innersuussutinik nassiussisoqassasoq kaammattuutigaa.
Assiliisoq: Transparency International Greenland
Inummik, katuffimmik, peqatigiiffimmik suliffeqarfimmilluunniit Kalaallit
Nunaanniittumik ukiup ingerlanerani malunaatilimmik ammasuunermut kiisalu
ileqqorissaanermik pingaartitsilluni sulisimasumik nersornaasigassaqqissumillu
innersuussaqaqqullugit TIG-p kajumissaarutigaa.
- Nersornaat
tunniunneqartartoq inuiaqatigiinni innarlitsaalisaanermut pingaaruteqarpoq
taamalu nersorniarneqartussaapput soorlu ileqqorluttuunermik allatullu
iliorlutik pissaanermik atornerluisunik akiuiniartut, kattuffik tusagassiutinut allappoq.
Killiliussaq decembarip aallaqqaataanuugaluarpoq, innersuunneqartullu ikippallaartut ataatsimiititaliap nalilerpaa, taamaattumillu innersuussinissamut killigititaq nutaaq januaarip 24-anut 2025-mut killeqarpoq, TIG-imi siulittaasoq Inuk Lundblad ilisimatitsivoq.
