KL

DK

Trump juullimi pilluaqqussutimini Kalaallit Nunaannut saaffiginnippoq

USA-p Kalaallit Nunaat pisariaqartippaa nunap isumannaatsuunissaanut, Donald Trump juullimi inuulluaqqusilluni allappoq.

Donald Trump USA-p præsidentiata 47-iatut januaarimi aallartissaaq. Aappassaanik USA-mi præsidentinngussalluni.
Ritzaus Bureau
Thomas Munk Veirum
Tusagassiortoq
Saqqummersinneqarpoq

Amerikami præsidenti nutaaq Donald Trump juullimi juullimi pilluaqqussummik allappoq, tassanilu ilaatigut toqqaannartumik Kalaallit Nunaannut inuiaqatigiinnullu kalaallinut saaffiginnippoq.

- Aammattaaq Kalaallit Nunaanni innuttaasunut, USA-p nunap isumannaatsuunissaanut pisariaqartitaannut, aammalu USA-p tassaniinnissaanik kissaatigiginnittumut, tassaniissaarlu, Trump attaveqaqatigiittarfimmini, Truth Socialimi allappoq.

Aamma Trump Canadamut saaffiginnissuteqarluni ilanngullugu allappoq. Canada USA-mi naalagaaffinngussappat, akileraarutit appariassapput nunallu pitsaanerusumik sakkutooqarnikkut illersorneqarnissaa isumannaarneqassalluni, Trumpi oqaaseqarpoq:

- (..) Canadami Justin Trudeaumut, akileraarutit qaffasippallaarpata, Canada naalagaaffittut 51-iusutut inissisimalerpat, akileraarutit 60 %-imik appassapput, suliffeqarfiillu amerliartulissapput, aammalu nunarsuarmi sumiluunniit assissaqanngitsumik sakkutooqarnikkut illersorneqassaaq, Trump allappoq, tassanilu Kalaallit Nunaannut saaffiginnilluni:

- Aammalu Kalaallit Nunaanni innuttaasunut, USA-p sillimaniarneranut pisariaqartinneqartumut, aammalu USA-p tassaniinnissaanik kissaatiginnittunut, tassaniluissaaq!...

Trumpip nalunaarutaa tamaat uani atuarneqarsinnaavoq:

Juullimi pilluaqqussut, Trumpip inuit attaveqaqatigiittarfiinut Kalaallit Nunaata aqullugulu pigilernissaanut tunngasunik eqqarsaatini ullualuit matuma siorna allaatigereerlugit kingumut allaaserinneqqippoq.

Sapaatiummat unnukkut Trump allappoq:

- Nunami sillimaniarnerup aammalu nunarsuarmi kiffaanngissuseqarneq pillugu USA-p Kalaallit Nunaannik piginnittuunissaa aammalu aqutsinissaa pingaaruteqarluinnartuuvoq, Trump allappoq.

2019-imi oqallinneq uteqqippoq

Tanna nalunaarummini toqqaannartumik allanngilaq USA-p aqutsilerusunnera aalajangiisuulluinnartuunersoq. Aamma allanngilaq Kalaallit Nunaat pisiarerusunneqarnersoq.

Taamaattumik USA-p Kalaallit Nunaat pisiarerusunnera Trumpip siullermeerluni præsidentiunerani danskit amerikamiullu suleqatigiinnerannut kigartitsivoq. Pisiarinninnissamik siunnersuut august 2019-imi Trumpimit saqqummiunneqarpoq.

Taamani siunnersuut Naalakkersuisut siulittaasuata Kim Kielsenip sukkanerpaamik itigartippaa, statsministerilu Mette Frederiksen (S) oqallinneq tamaat "tulluanngitsuusoq" taallugu.

Taamaammat Trump kingusinnerusukkut Mette Frederiksenip oqaasii "nasty"-mik taavai, taannalu kalaallisut ima paasineqarsinnaavoq: "maajunnartutut".

Ukiut tallimat sinnerlugit matuma siorna Trumpip kalaallit Nunaat pillugu saqqummiussimassani maannakkut saqqummiuteqqippaa.

Tamanna pivoq, Danmarkimi aallartitassaminik avammut nalunaaruteqarneranut atatillugu.

Naalakkersuisut siulittaasuat, Múte B. Egede (IA), erseqqissumik itigartitsivoq, Kalaallit Nunaat tuniniarneqassanngitsoq, Donald Trumpip oqaaseqarnera "piginneqatigiinneq Kalaallit Nunaannilu aqutsineq pingaaruteqartorujussuusoq" pillugu.

- Kalaallit Nunaat uagut pigaarput. Tuniniarneqanngilagut, qaquguluunniillu tuniniarneqalernavianngilagut, Múte B. Egede allakkatigut oqaaseqaammini oqarpoq.

Statsministeriaqarfiup oqaaseqarumannginnera

- Kisianni nunarsuarmi tamarmi suleqatigiinnermut niueqatigiinnermullu ammasuulluta ingerlaqqissaagut, pingaartumik nunatsinnut qanittunut. Suleqatigiinneq niueqatigiinnerlu tamarmik Danmark aqqutigalugu ingerlasinnaanngimmata, Naalakkersuisut siulittaasuata oqaaseqarnera.

Statsministeriamit Trump-ip nalunaarutaa pillugu oqaaseqartoqarumanngilaq, taamaattorli Múte B. Egede-p oqaasii innersuussutigineqarput.

Folketingimi ilaasortat marluk, Aaja Chemnitz aamma Aki-Matilda Høegh-Dam, aamma Trumps pisiarerusunneranut itigartitsipput.

Múte B. Egede assigalugit Chemnitz aamma Høegh-Dam USA-mut suleqatigiinnerulernissamut ammasuunerarput.

grønland donald trump mette frederiksen inuiaqatigiit samfund múte b. egede national sikkerhed

ATORFIIT Se alle jobs

Powered by Labrador CMS