Trump Medvedevimut mianersoqqusivoq: Ruslandip qanittuani aqqartartut atomitortut inissinneqassapput
Donald Trump peqqusisimanerarpoq, aqqartartut atomitortut Rusland qanillugu "tulluartumik inissinneqassasut".
Ulluni kingullerni Dmitrij Medvedev aamma Donald Trump oqaatsit atorlugit akerleriipput. Tallimanngornermi Trumpip Medvedevip oqaasii akerlilerpai aqqartartut atomimik ingerlatillit Ruslandip qanittuani inissinneqassanerarlugit.
Asseq (toqqorsivimmit): Andrej Isakovic, Brendan Smialow/Ritzau Scanpix
USA-p præsidentia, Donald Trump, aqqartartut atomimik ingerlatillit Rusland qanillillugit inissiiniarpoq.
Taanna taamak allappoq Truth Socialimi.
Trumpip oqarnera naapertorlugu tamanna pivoq Ruslandip siusinnerusukkut præsidentiata Dmitrij Medvedevip oqaasii Trump naapertorlugu "assut kamaammernartuusut".
- Aqqartartunik marlunnik atomimik ingerlatilinnik naleqquttumik inissiisoqassasoq peqqusinikuuvunga, oqaasii iluanngitsut kamatsitsiniutillu oqaasiinnaanngeqinammata.
- Oqaatsit pingaaruteqarluinnarput aammalu siunertaanngitsunik kinguneqarsinnaasarput, Trump Truth Socialimi allappoq.
Trump erseqqissaanngilaq aqqartartut atomimik ingerlatillit imaluunniit sakkussianik atomitalinnik usisartut pineqarnersut.
Aqqartartut taakku sumerpiaq inissinneqassanersut aamma allanngilaq, AFP naapertorlugu Amerikami illersornissaqarfianit isertuunneqarmat.
Taamatuttaaq Trumpip allagaani aamma erseqqissumik oqaatigineqanngilaq Medvedevip oqaasii suut pineqarnersut.
Medvedevip arlaleriarluni Ukrainemi sorsunnermut tunngatillugu sioorasaarutinik allattarpoq, ilaatigut nunarsuarmi sorsunnersuit pingajuat aammalu Ruslandip atomimik sakkussiai pillugit oqaaseqartarluni.
Ataasinngornermi Medvedev, Ruslandip isumannaallisaanermut ataatsimiititaliaata tullersortaatut inissisimasoq, X-imi allappoq, Trump Ruslandimut "pinngitsuugassaanngitsumik pinnguartoq".
Tamanna pivoq Donald Trump Ruslandimut sioorasaarilermat pillaatinik nutaanik atuutsitsilerniarluni.
- Mianersoqqussut nutaaq ataaseq sakkortuumik mianersoqqussutaavoq sorsunnissamut alloriarneq. Ruslandip Ukrainelu akornanni tamanna pinnani, kisianni nammineq (Trumpip, aaqq.) nunaminut, Medvedev allappoq.
Reuters naapertorlugu Dmitrij Medvedevip Trumpimut eqqaasitsissutiginikuuaa, Ruslandip atomi atorlugu saassussissuteqarnera Sovjetunionip nalaaniilli, Trumpip Medvedevimut "oqaatsini eqqarsaatigeqqullugit" piumasaqarnerata kingunerisaanik.
Aqqartartoq atomimik ingerlatilik tassaavoq imarsiut atomimik nukissiuuteqarluni ingerlasoq.
Medvedev Ruslandip Ukrainemut sorsunnera pillugu nipituumik illersuisuuvoq.
AFP naapertorlugu, taassuma nunanut killernut akeqqersimaartutut aamma ilisimaneqarpoq.
Medvedev Ruslandimi præsidentitut piffissami ataatsimik atuuffeqarpoq 2008-miit 2012-mut.
Nutaarsiassaqartitsivik naapertorlugu, piffissami tassani Putinimut sinniisussatut atuuteqarpoq aammalu Putinip inatsit tunngaviusumik avaqqutaarilluni præsidentiunerminik killiligaanngitsumik sivitsuisinnaaneranut tapersersortaanikuuvoq.
