Trumpip oqariartuutaanut qisuariartut: Kalaallit Nunaat niuerutissaanngilaq – oqaloqatigiinnissarli ammaffigineqarpoq

Amerikami præsidentinngortussap Donald Trumpip USA-p Kalaallit Nunaannut soqutigisai Kalaallit Nunaatalu sumut atassuteqarnera pillugu oqallinneq aallarteqqippaa.

Kalaallit Nunaat tuniniagaanngitsoq Folketingimut ilaasortat, Aki-Matilda Høegh-Dam (S) aamma Aaja Chemnitz (IA), erseqqissaapput. Donald Trumpip USA-llu soqutigisai sumut tunngarpiarnersut Aki-Matilda Høegh-Damip tusarusuppai. Aaja Chemnitzili nangaanarneruvoq "naleqartitat inuiaqatigiit tunngavigisaat“ naaperiutigineqarsinnaanerat taassuma mianersoqqussutigaa.

Donald Trump inuit attaveqaqatigiittarfianni Truth Social-imi ima allappoq:

- Nunap isumannaatsuunissaa nunarsuarmilu eqqissineq eqqarsaatigalugit Kalaallit Nunaata piginissaa aqunnissaalu pingaaruteqarluinnarpu.

Amerika piginnittuussanersoq aqutsisuussanersorluunniit Trumpip erseqqissumik allanngilaa. Folketingimi ilaasortalli Aaja Chemnitzip (IA) qularinngilaa USA-llu Kalaallit Nunaannik soqutiginninneranik ersarissumik oqariartuuteqartutut isumaqarfigalugu Sermitsiamut oqaatigaa:

Aaja Chemnitz: Kalaallit Nunaat toqqaannartumik oqaloqatigineqassaaq

- Taamatut oqariartuuteqarneq paasilluarsinnaavara, Kalaallit Nunaammi USA-p isumannaatsuuneranut pingaaruteqarmat.

- Nunarsuarmi pissutsinut eqqarsaatigalugit Kalaallit Nunaata inissisimaffia pingaarutilerujussuuvoq, politikeri oqarpoq, erseqqissarlugulu:

- Pingaaruteqarluinnarporli erseqqissassallugu Kalaallit Nunaat suli tuniniagaanngimmat. Manna pillugu aalajangiisoqassappat (Kalaallit Nunaata, USA-p Danmarkillu ataqatigiinnerat pillugu aaqq.) inuiaqatigiit kalaallit aalajangiisussaapput.

Aaja Chemnitzip Danmarkimut attaveqarnini USA-mik taarserneqassanngitsoq qularinngilaa.

- Kalaallit Nunaanni eqqissineq attattuarusupparput, taamaattumik maannakkut attaveqatigiinneq Kalaallit Nunaannut pitsaanerpaasoq aamma isumaqarpunga.

- Siunissaq ungasinnerusoq eqqarsaatigisariaqarparput. Toqqissisimaneq kisiat pineqarnani aammali naleqartitat suut tunngavigalugit nunatsinnik aqutsinissaq eqqarsaatigalugu. Aap, unammilligassaqarpugut namminiilivinnissarlu kissaatigalugu, kisianni naleqartitat tunngaviusut inuiaqatigiit aallaavigisaat tunulliutissanngilavut, politikeri oqarpoq, erseqqissarlugulu USA-p pisoq pillugu Kalaallit Nunaat toqqaannartumik oqaloqatigisariaqaraa:

- Kalaallit Nunaat toqqaannartumik oqaloqatigineqartariaqartoq pingaaruteqartoq isumaqarpunga, Namminersorlutami Oqartussaqarpugut. Aamma Kalaallit Nunaanni nammineq oqaloqateqarluarsinnaavoq.

Aki-Matilda: Kalaallit Nunaat niuerutigineqassanngilaq, oqaloqatigiinnermulli ammavoq

Aki-Matilda Høegh-Dam (S) Trumpip nalunaarutaa pillugu Sermitsiamut ima allappoq:

- Kalaallit Nunaata, aamma Nunarpumik taaneqartartup, nunarsuarmi tamarmi pingaaruteqarneranik Præsident Trumpip oqaasiisa takutippaat, pingaaruteqarporli erseqqissassallugu Kalaallit Nunaat niuerutigineqarsinnaananilu inissisimaffia eqqarsaatigalugu pigisassaanngitsoq.

Aaja Chemnitzip Danmarkimut attaveqarnini USA-mik taarserneqassanngitsoq qularinngilaa.

- Kalaallit Nunaanni eqqissineq attattuarusupparput, taamaattumik maannakkut attaveqatigiinneq Kalaallit Nunaannut pitsaanerpaasoq aamma isumaqarpunga.

- Siunissaq ungasinnerusoq eqqarsaatigisariaqarparput. Toqqissisimaneq kisiat pineqarnani aammali naleqartitat suut tunngavigalugit nunatsinnik aqutsinissaq eqqarsaatigalugu. Aap, unammilligassaqarpugut namminiilivinnissarlu kissaatigalugu, kisianni naleqartitat tunngaviusut inuiaqatigiit aallaavigisaat tunulliutissanngilavut, politikeri oqarpoq, erseqqissarlugulu USA-p pisoq pillugu Kalaallit Nunaat toqqaannartumik oqaloqatigisariaqaraa:

- Kalaallit Nunaat toqqaannartumik oqaloqatigineqartariaqartoq pingaaruteqartoq isumaqarpunga, Namminersorlutami Oqartussaqarpugut. Aamma Kalaallit Nunaanni nammineq oqaloqateqarluarsinnaavoq.

Aki-Matilda: Kalaallit Nunaat niuerutigineqassanngilaq, oqaloqatigiinnermulli ammavoq

Aki-Matilda Høegh-Dam (S) Trumpip nalunaarutaa pillugu Sermitsiamut ima allappoq:

- Kalaallit Nunaata, aamma Nunarpumik taaneqartartup, nunarsuarmi tamarmi pingaaruteqarneranik Præsident Trumpip oqaasiisa takutippaat, pingaaruteqarporli erseqqissassallugu Kalaallit Nunaat niuerutigineqarsinnaananilu inissisimaffia eqqarsaatigalugu pigisassaanngitsoq.