Tusassip Kangerlussuarmi suliassani allanngortippai
Allakkanik nassiussineq Kangerlussuarmi Pilersuisumut tunniunneqassasoq Tusass aalajangerpoq, Nuummi mittarfiup ammarneqarnerata kingunerisaanik Kangerlussuarmi suliassat ikileriarmata.
Tusassip Kangerlussuarmi pisiniarfia ukiorpassuarni Kangerlussuarmi atuisunik sullissisarpoq.
Assi: Tusass
Tusassip Kangerlussuarmi pisiniarfia nunaqarfinni ingerlatsinernut nalinginnaasunut nuunneqassasoq, tusagassiuutinut nalunaarummi Tusass ilisimatitsivoq.
Nuummi mittarfik maanna ammarpoq. Ammaaneq soorunami Kangerlussuarmut annertuumik sunniuteqassaaq. Ilaqutariippassuit angerlarsimaffimminni poortuereersimapput, suliffitsillu malillugu nunatsinni illoqarfinnut allanut noorassallutik, Tusass allappoq.
Tusassip Kangerlussuarmi suliassai decembarip aappaaniit allanngortinneqassapput, atuisullu Pilersuisumut nunaqarfinni ingerlatsinernut nalinginnaasunik suliaqalersussanut saaffiginnittalissapput.
