Air Greenland Nuup Keflavikkillu akornanni
timmisartuussisarnini aasap tulliani annertusarniarpaa. Taamaalilluni
timmisartumut ilaasut Air Greenlandip timmisartuutaanut Tuukkamut Air
Greenlandilluunniit attartugaanut Jettime-p Boeing 737-taanut ilaallutik
aallarnerit arfineq-pingasut periarfissarilissavaat. Taanna aqqut Air
Greenlandip timmisartuinik Dash-8-nik, maanna timmisartuussiffigineqartareerpoq.
Tamanna aqqummi timmisartuussiffiusumi tassani
ilaasinnaasut amerleriarujussuarnerannik kinguneqassaaq. Air Greenlandip Airbus
A330-ataa, Tuukkaq, 305-inik issiaveqarpoq Jettimellu Boeing 737-taa 189-nik
issiaveqarluni. Dash 8 maanna atugaasoq 37-nik issiaveqarpoq.
Air Greenland Nuup Keflavikkillu akornanni
timmisartuussisarnini aasap tulliani annertusarniarpaa. Taamaalilluni
timmisartumut ilaasut Air Greenlandip timmisartuutaanut Tuukkamut Air
Greenlandilluunniit attartugaanut Jettime-p Boeing 737-taanut ilaallutik
aallarnerit arfineq-pingasut periarfissarilissavaat. Taanna aqqut Air
Greenlandip timmisartuinik Dash-8-nik, maanna timmisartuussiffigineqartareerpoq.
SAS UTEQQITTOQ
SAS aqqummik Nuummut
timmisartuussiffigisartagassaminik nutaamik ammaavoq. Ingerlatseqatigiiffiup
pisortaanera, Anko van der Werff, marlunngornermi taama paasissutissiivoq.
Tusagassiuut InsideFlyer naapertorlugu tamanna pivoq Københavnimi
ataatsimiittoqarnerani, tassani SAS-ip ingerlatseqatigiiffittut Star
Alliancemit tunuarluni SkyTeamimut ilaalernermini siunissamut pilersaarutini
oqaluttuarai. Taamaattumik SAS-ip angallassinissaa aamma SkyTeam-ip Kalaallit
Nunaannut angallassinerissavaa siullerpaaq. SkyTeam SAS-ip saniatigut
ingerlatseqatigiiffinnit timmisartuussisartunit angisuunit, soorlu, Air France,
KLM og Virgin Atlantic inuttaqarpoq.
SAS ukiuni amerlasuuni
annertuumik Kalaallit Nunaannut Kalaallit Nunaanniillu timmisartuussisarpoq,
kisianni Københavnip Kangerlussuullu akornanni timmisartuussisarnerpassuit
2002-mi, Air Greenlandilu aqqummik ukiuni arlalinni ilaasoqarniuutereerlutik,
atorunnaarput.
InsideFlyer pillugu paasissutissaq SAS-ip
oqaaseqarfigerusunngilaa.
Tamanna aqqummi timmisartuussiffiusumi tassani
ilaasinnaasut amerleriarujussuarnerannik kinguneqassaaq. Air Greenlandip Airbus
A330-ataa, Tuukkaq, 305-inik issiaveqarpoq Jettimellu Boeing 737-taa 189-nik
issiaveqarluni. Dash 8 maanna atugaasoq 37-nik issiaveqarpoq.
Timmisartuussinernit arfineq-pingasuusunit
ataaseq akunnernik marlunnik sivisussuseqartassaaq. Keflavikkimit nalunaaqutaq
9.15 qangattartassapput Nuummullu nalunaaqutaq 12.15 mittassallutik. Utimut
Nuummit nalunaaqutaq 13.15 qangattartassapput Keflavikkimullu nalunaaqutaq
14.15 mittassallutik. Timmisartuussineq siulleq juunip aqqaneq-aappaanni
pissaaq kingullerlu septembarip 19-anni timmissalluni.
Air Greenlandip Keflavikkimut dash-8-mik
sapaatit akunnerinut marloriarluni maanna timmisartuussisarneri
ingerlaannassapput.
Hurtigruten-imik suleqateqarneq
-Ilaasunik timmisartuussinerusalernissaq Air
Greenlandip Hurtigruten Expeditions-illu isumaqatigiissutaannut malinnaavoq,
Air Greenlandimmi umiarsuarnut takornariartaatinut ilaasussat 5.500-t Kalaallit
Nunaannit Kalaallit Nunaannullu timmisartuuttalertussaavai, Air
Greenlandimeersoq, Inga Dora Gudmundsdottir, paasissutissiivoq.
Isumaqatigiissut Hurtigruten Expeditions-ip
amerikap avannaanit ilaasuinut atuuppoq. Ilaasut Europameersut
timmisartuussinerit nalinginnaasut, Københavnip Nuullu akornanni atuuttut,
ilaaffigisassavaat.
- Keflavikkimit, Nuummut Keflavikkimullu
timmisartumik qangattarnerit arfineq-pingasut pineqarput. Aqqutit taakkua Air
Greenlandip timmisartuussinissanut pilersaarutaanut allanut
tulluarsarnikuupput, taamaalilluni takornariartaatinut ikinnginnermi
takornariartaatineereernermiluunniit timmisartuussisoqartassaaq.
- Timmisartuussinerit Hurtigruten Expeditions-ip
ilaasuinnaanut atorneqartassanngillat. Issiaviit sinneruttut Air Greenlandip nittartagaani
nalinginnaasumik tuniniaavikkut inniminniisarfikkullu Amadeus-ikkut,
timmisartuussisartut angalatitsiviillu atortagaasigut, tuniniarneqartassapput.
Air Greenlandip Islandimit Islandimullu
ilaasunik angallassinermik neqeroorsinnaanngornini nuannaarutigaa:
- Hurtigruten Expeditions-ilu
suleqatigiinnissamik isumaqatigiissutitta takornariaqarneq anginerulersissavaa
taamaalilluni aamma Air Greenlandip unammilleqatigiinnermi inissisimanerata
nukittunerulernera qulakkiissallugu – aamma Nuup Keflavikkillu akornanni, Inga Dora Gudmundsdottir oqarpoq.
