Ujaasineq unitsinneqartoq: 28-nik ukiulik tusarfigineqarpoq

Allaaserisaq 28-nik ukiullip tusarfigineqareernerani nutarterneqarpoq.

Angut 28-nik ukiulik maqaasineqartoq ilaqutaasa marlunngornermi ullaakkut nalunaarutigaat.

28-nik ukiulik Nuumminngaanniit umiatsiaq Limbus 6000 150-mik motoorilik atorlugu aallarpoq.

Ameraliup Kangerluanukariarluni ataasinngornermi unnukkut uterniartussaasimagaluarpoq, marlunngornerulli ullaavani suli tikissimanngimmat ilaqutaasut politiinut nalunaarutigaat.

Pigaartut pisortaat Preben Kleist Sermitsiamut paasissutissiivoq.

Politiit angut ujaarilerpaat, politiillu angallataat Ameraliup kangerluanukatpoq.

Aasiaat Radioa Issittumilu Sakkutooqarfik maqaasineqartoq pillugu aamma ilisimatinneqarput.

NUTARTIGAQ

Angut 28-nik ukiulik oqartussannut nammineerluni saaffiginnissimasoq politiini pingaartut pisortaat nalunaaqutaq marlunngunngitsiartoq paasissutissiivoq.

Ajunngilaq maannalu Nuummukaarusaarluni. Taamaammat ujaasineq taamaatinneqarpoq.