Ujaasisoqartoq: Angut 59-inik ukiulik ujaarineqarpoq

Politiit Issittumilu Sakkutooqarfik angut 59-inik ukiulik Maniitsumeersoq ataasinngornermiilli takuneqarsimanngitsoq maanna ujaaraat.

Toqqorsivimmiit assi: Leiff Josefsen

Thomas Munk Veirum Tusagassiortoq

Saqqummersinneqarpoq 17. Juuni 2025 - 10:16

Annonse

Kalaallit Nunaanni Politiit Issittumilu Sakkutooqarfiup angut 59-inik ukiulik unnuaq naallugu ujaaraat.

Tamanna KNR-imit allaaserineqarpoq.

Angut ataasinngornermi ullaakkut Maniitsumi angerlarsimaffimminit anigamili takuneqaqqissimanngitsoq maqaasineqarpoq.

- Ippassaq ullaakkut arfernup qeqqa angerlarsimaffimminit umiatsiaminukaramili takuneqaqqissimanngilaq, Kalaallit Nunaanni Politiini pigaartut pisortaat Poul Kreutzmann oqarpoq.

Angutip umiatsiaa, Draco 2000 qaqortoq qasertumik initalik, Mercurymik 150 hiistilimmik motoorilik, puttasuniinngilaq. Suliamut atatillugu paasissutissaqaraanni Politiit oqarasuaammut 701448-mut sianerfigalugit saaffigineqarsinnaapput.

Sermitsiap Kalaallit Nunaanni Politiit oqaaseqartinniaraluarpai, sulili iluatsinngilaq.