Ulloq unnuarlu nalunaarusiaq: Sunngiffimmi ornittakkamut tillinniarneq allamilu aserorterineq
Meeqqat marlunngornerup unnuaani Nuummi sunngiffimmi ornittakkamit nerisassanik tillipput.
Asseq: Leiff Josefsen
Marlunngornerup unnuaani nal. 02.22 Nuummi sunngiffimmi ornittakkami tillinniartoqarneranik Kalaallit Nunaanni Politiit nalunaarfigineqarput.
Tillinniartoqarneranik kalerrisaarut aallartimmat politiit kalerrinneqarput.
Pigaartut pisortaat Preben Kleist oqaluttuarpoq meeqqat marluk 15-it inorlugit ukiullit sunngiffimmut ornittakkamut isersimasut nillataartitsivimmiillu nerisassanik tigusillutik.
Tamatuma kingorna politiit meeqqat isumaginninnermut oqartussaasunut tunniuppaat.
Unnuaq taanna kingusinnerulaartukkut nalunaaqutaq 04.15 Naluttarfik Malik Nuummiittoq serlersaarfigineqarsimasoq nalunaarutigineqarpoq.
Matu aserorneqarsimavoq, politiillu inuk ataaseq aserorterisutut unnerluutigisimavaat, Preben Kleist oqarpoq.
