KL

DK

Ullut tallimassaani kiassarneqanngitsut: Ole Brandtsvejimi najugallit qiulerput

Nuummi Ole Brandtsvejimi angerlarsimaffiit 26-it ukiortaamili kiassarneqanngillat, nammagittarnerillu ajornarsiartuaalerput. INI A/S-ip nassuiaataa naapertorlugu Ole Brandtsvejimi kiassarnermut atortut ajoquteqartut, taamaattumillu kiassartoqanngilaq, taamaattumillu assaasut ruujorilerisut ikiortigalugit ajutoorneq nassaariniarsarigaat.

Ilaqutariit kiassaateeqqamik innaallagiatortumik kiassarniarsaripput
Tôrtia Reimer-Johansen
Journalist
Offentliggjort

Ole Brandtsvejimi najugaqartut ukiortaaq nillertumik aallarnerpaat.

Inissiani kissartoqanngitsoq, INI A/S januaarip ulluisa pingajuanni Facebookikkut nalunaarutigaat.

Maannali ullut tallimassaani suli kiassarneqanngillat.

- INI A/S-imiit paasitinneqarpugut kiassarniarneq ajoquteqartoq, sulili paasinngilarput aaqqiiniarneq qanoq ingerlanersoq, silatitsinnilu takusinnaavarput sulisoqanngitsoq, najugaqartoq, Jonna Johansen oqarpoq.

Najugartik kiassarniarlugu kiassaateeqqamik innaallagiatortumik kiassarniarsaripput, allalli najugaqartut naneruummik kiassarniarsaripput.

Kiassarneqannginneq sivitsormat maanna najugaqartut ernumalerput, ruujorit inissiat naqqaniittut issimut qerillutik qaaraleqinammata.

INI sulissuteqartoq

INI A/S Faceboominimi januaarip pingajuanni nalunaarutigaa assaasut ruujorilerisullu ikiortigalugit ajutoorneq nassaariniarsaralugu. 

Najugaqartullu neriuutigaat kiassarneq piaartumik pilerumaartoq.

Assimi takuneqarsinnaavoq assaasoqarsimasoq, ajornartorsiulli suli aaqqinneqanngilaq.

Jonna Johansenilli oqaatigaa INI A/S-ip assaasut ruujorilerisullu attaveqaqatigiinnerat equngasoq.

- Aappaa ima oqarpoq, aappaali allatut oqarluni. Uagutsinnut paatsiveerunnarpoq. Naluarput qaqugu kiassaqqilissanerluta.

INI A/S-ip sumiiffimmi tamatumani kiassarnermi ajornartorsiutit qaqugu iluarsinissaat naatsorsuutigisinnaaneraa, Sermitsiap paasiniarpaa.

inuiaqatigiit ini samfund varme nuuk

ATORFIIT Se alle jobs

Powered by Labrador CMS