Umiatsiaararsortoq imigassartorsimalluni umiartorsimasutut unnerluutigineqarpoq
Nanortallip eqqaani imigassartorsimalluni umiatsiaararsortoqarsimasinnaaneranik politiit pingasunngormat nalunaarfigineqarput.
Assiliisoq: Leiff Josefsen
Imigassartorsimalluni umiatsiaararsortoqarsimasinnaaneranik pingasunngormat nalunaaqutaq 13.30 missaani politiit nalunaarfigineqarput.
Inuit marluk umiatsiaaqqamik ammaannartumik Nanortalimmit aallartut nalunaarutigineqarpoq.
Politiit sumiiffimmukartinneqarsimasut pigaartut pisortaat Aputsiaq Hansen oqaluttuarpoq.
Umiatsiaaqqamik aquttoq alkometerimut supisitinneqarmat imigassartorsimasoq paasinarsivoq taamaattumillu tigusarineqarpoq, promillealu misissorneqarniassammat aammik misissugassamik tigusisoqarpoq.
Umiatsiamik angalasoq maanna imigassartorsimasimalluni umiartorsimasutut unnerluutigineqarpoq, aammik misissugassamik misissuinerup inernerata paasineqarnissaata tungaanut.
Nanoq pillugu mianersoqqussut
Avannaata Kommuniani Qeqertap eqqaani Ikorfani nannumik takunnittoqarsimaneranik pingasunngormat ualikkut Naalakkersuisut mianersoqqusipput.
- Aalisartut piniartullu innuttaasullu allat Ikorfat Qeqertap eqqaani aalisarfinniittut piniartarfinniittullu mianersoqquneqarput. ”Nannut ajornartorsiutaasut” pillugit qanoq iliortoqarnissaannik ilitsersuut innersuutigineqarpoq, Aalisarnermut Piniarnermullu Naalakkersuisoqarfik pingasunngormat mianersoqqusilluni allappoq.
Nannumik siumugaqartumik nalunaarummik pisoqarsimanngitsoq sisamanngormat ullaakkut pigaartut pisortaat Aputsiaq Hansen oqaluttuarpoq.
