- Lars-Emil kommunimut suliassamik ataasiinnarmilluunniit suliaqarnikuunngilaq, unnerluussisussaatitaasoq Bo Bjerregaard aallaqqaasiilluni oqarpoq.
Pingasunngorneruvoq Nunattalu Eqqartuussisuuneqarfiani peqquserlunnermut suliami ulloq kingulliulluni. Politikeriusimasup Lars-Emil Johansenip atorfilittaasimasullu Lars Møller-Sørensenip Eqqartuussisoqarfik Sermersuumi eqqartuussut suliareqqitassanngortinnikuuaat. Bo Bjerregaard nangippoq:
- Lars-Emil kommunimut suliassamik ataasiinnarmilluunniit suliaqarnikuunngilaq, unnerluussisussaatitaasoq Bo Bjerregaard aallaqqaasiilluni oqarpoq.
Pingasunngorneruvoq Nunattalu Eqqartuussisuuneqarfiani peqquserlunnermut suliami ulloq kingulliulluni. Politikeriusimasup Lars-Emil Johansenip atorfilittaasimasullu Lars Møller-Sørensenip Eqqartuussisoqarfik Sermersuumi eqqartuussut suliareqqitassanngortinnikuuaat. Bo Bjerregaard nangippoq:
- Isertukulunnerpassuit, aamma isumaqatigiissummi oqaasertaliussat amigartut. Sooq isumaqatigiissummi suut suliassaanersut allassimanngillat?
- Lars-Emil kommunimut sullissisimappat - akunnialuinnarniluunniit - suliarisimasai takussutissaqarlutillu ilisimannittunik oqaatigineqarsinnaassagaluarpoq.
- Takussutissaq tassaavoq kommunip aningasaatai amerlasuut peqanngitsut, unnerluussisussaatitaasoq oqarpoq.
Unnerluutigineqartoq: - Ninjaluunniit taama isertortigaluni iliuuseqarsinnaanngilaq
Lars-Emil Johansen assigiinngitsunik suliaqarsimasoq Bo Bjerregaardip upperaa. Ilaatigut Tasiilami Kofoeds Skolemik pilersitsinermut tunngatillugu.
Unnerluussisuulli tamanna Kommuneqarfik Sermersuumut sullissinertut isiginngilaa. Kommunimut siunnersortitut peqataasimanera takunnittunit uppernarsarneqarsimanngilaq, oqarpoq.
Paasissutissat nutaat saqqummiunneqartut allannguutaanngillat, allaat unnerluussisussaatitaasup oqaasiinik naqissusiillutik, Bo Bjerregaard isumaqarpoq. Eqqartuussisoqarfik Sermersuumi oqaatiginikuusani uteqqippaa:
- Ninjaluunniit taama isertortigaluni iliuuseqarsinnaanngilaq.
Aamma akissarsianut tunngatillugu eqqunngitsumik pisoqarsimasoq unnerluussisoq isumaqarpoq.
Pinerluuteqaqqissagaluarpata pineqaatissinneqarneq atuutilersikkusukkaa
Taamaattumik taakku peqquserlussimasutut, oqartussaaffimik atornerluisimasutut (Møller-Sørensen) oqartussaaffimmillu atornerluinermut peqataasimasutut (Johansen) unnerluussisoq isumaqarpoq.
- Unnerluunneqartut eqqartuunneqarnissaannut tunngavissaqarluarput.
Unnerluussisup pineqaatissinneqarsimasunut qaammatini aqqaneq-marlunni inissiisarfimmiitinneqassasut piumasaraa, Eqqartuussisoqarfik Sermersuumi pineqaatissiinerup marloriaataa. Illuatungaanili pinerluuteqaqqissagaluarpata atuuttussanngortinneqartussanngoqqullugu. Unnerluutigineqartut taamaalillutik piumasaqaatitaqanngitsumik pineqaatissinneqarsimasunut inissiisarfimmiittussanngortinneqaraluarnerat atorunnaassalluni.
Nunatta Eqqartuussisuuneqarfiani aalajangerneqassaaq, sulilu aalajangiisoqarani. Illersuisut inaarutaasumik maanna oqaaseqartussanngorput, susoqarsimaneralu allatut oqaluttuarisussaassallugu. Pingasunngonerup ualinerani eqqartuussutip saqqummiunneqarnissaa naatsorsuutigaarput.
