Amerikamiut
marlunngornermi novembarip tallimaani qinersiartorput, qinersinerullu
unnukkuani tusagassiorfiup The Associated Pressip (AP) præsidentiusimasoq
Donald Trump
republikaneriusoq qinersinermi 70,9 millioninik qinerneqarluni
Amerikamiut
marlunngornermi novembarip tallimaani qinersiartorput, qinersinerullu
unnukkuani tusagassiorfiup The Associated Pressip (AP) præsidentiusimasoq
Donald Trump
republikaneriusoq qinersinermi 70,9 millioninik qinerneqarluni
ajugaasoq
nalunaarutigaa. Tassa qinersisartut 51 procentiinit qinersisartut
sinnerlugit
taasisartuni 277-init qinerneqarluni ajugaasoq, Kamala Harrisilu 66 millioninit
qinerneqarluni nunap immikkoortuini taasisinnaatitaasunit 224-nit
taaguunneqarluni ajorsarpoq.
The
Associated Press (AP) tusagassiuutini kisiartaalluni USA-mi illoqarfinni nunap immikkoortuinilu
tamani qinersinerit inerneri, ilaatigut præsidentimut, senatimut, AP News USAmi qinersinermi inernernik takussutissiaa 6.novemberimeersoq AP News USAmi qinersinermi inernernik takussutissiaa 6.novemberimeersoq AP News USAmi qinersinermi inernernik takussutissiaa 6.novemberimeersoq AP News USAmi qinersinermi inernernik takussutissiaa 6.novemberimeersoq inatsisartunut
guvernørinullu qinersinerit, katersortarpai uppernarsartarlugillu.
Qinersinissaq
sioqqullugu isumasiuinerit assigiinngitsut qinigassanngortittut marluk ajugaanissamik
50 procentimik periarfissaqartut takutippaat. Mira Kleist, New Yorkimi
2018-imiit 2020-mut najugaqartoq nunallu inoqqaavisa pisinnaatitaaffii pillugit
Naalagaaffiit Peqatigiinni suliaqarsimasoq (piffissami Trumpip Kalaallit Nunaat
pisiariniarlugu neqeroornerata nalaani) tamatumalu siornatigut Issittumi nunat
assigiinngitsut akornanni politikkikkut apeqqutit pillugit Naalakkersuisuni aallartitatut
sulisimasoq, ilaatigut Kalaallit Nunaata EU-mi Sinniisoqarfiani
aallartitaasimasoq, USA-mi
qinersineq Kalaallit Nunaannut qanoq sunniuteqarsinnaanersoq aamma sooq
pingaaruteqarnersoq Sermitsiap aperaa.
AP News USAmi qinersinermi inernernik takussutissiaa 6.novemberimeersoq
–
Qinersisoqartillugu soqutiginartuaannarpoq, USA-milu qinersinerup
soqutiginartua tassaavoq
qineqqusaartut naligiilluinnarnerat. Naligiilluinnarput, kinalu ajugaassanersoq
oqaatigiuminaalluni. Ullut ilaanni Trumpi ajugaalersutut isikkoqarsinnaavoq, ullorlu
alla Harris ajugaalersutut pisinnaalluni, Mira Kleist oqarpoq, taannalu præsidentinngorniunneq
tusagassiorfiit assigiinngitsut aqqutigalugit malinnaasimavoq.
Qinersinerup
inerneranut qisuariaatit tusarnissai qilanaaraa
–
Qinersinerup inerneranut qisuariaatissat pissanganarput. USA-mi
avissaartuuttoqangaatsiarpoq taamaammallu malinnaaffiginera pissanganarluinnarluni.
–
Qinersinerup inernera pingasunngorpat, sisamanngorpat tallimanngorpalluunniit paasisimassanerlutigu
naluarput, naalagaaffiit ilaanni qinersinerit kisinneqaqqinnissaat piumasarineqarsinnaavoq,
aamma kisitsinerit sivisusinnaallutik, qinersinissamut aqaguttoq
Mira Kleist oqarpoq. Siunnersuisarfik Kaya Partners suleqatigalugu Issittoq
aallaavigalugu silap pissusaa pillugu politikkikkut siunnersuisartuuvoq, nunarsuarmilu
tamarmi mingutsitsinngitsumik ineriartortitsinissamut atatillugu Kalaallit Nunaanni
suliniutinik suliaqartarluni.
USA-mi
qinersineq Kalaallit Nunaannut pingaaruteqarpoq
Kalaallit
Nunaat nunanut allanut sillimaniarnermut illersornissamullu politikkiminut periusissiorsimavoq,
taamaattumillu USA-mi qinersineq naalakkersuisunut pingaaruteqarpoq, taakkumi
nunat tamalaat suleqatigiinneranni inissisimaffitsik ujartussaavaat
suleqatigisaallu ilisimasariaqarlugit, Mira Kleist naliliivoq.
–
Naalakkersuisut nunarsuarmioqatigiinni annertunerusumik
inissisimaffeqarusupput, tamanna
nunanut allanut sillimaniarnermullu politikkimut periusissiaanni takuneqarsinnaavoq.
Tamanna aamma Naalakkersuisut siulittaasuata Múte Bourup
Egedep KNR tv-kkut aallakaatitassiami Illermi, USA-mi qinersineq pillugu sammisaqarnermi,
oqaatigaa. Nunarsuarmi aaqqissuussaaneq patajaatsoq taassunga pingaaruteqarpoq,
tassanilu Kalaallit Nunaata aamma peqataasinnaalersinnaalluni.
– Kalaallit
Nunaata suleqatini ilisarisimalluarusuppai, paaserusuppaalu qanoq iliortarnersut,
sakkutooqarnikkut qanoq inissisimanersut, aammali niueqatigiinneq eqqarsaatigalugu,
tassani naatsorsuutigineqarsinnaanersoq assigiimmik anguniagaqarniarlutik suleqatigiissinnaanersut.
Naatsorsuutigissavarput
nunani tamalaani niuernikkut isumaqatigiissutivut attatiinnarnissaat, aamma
Issittumi suleqatitik suleqatigiinnarniarneraat uagut aamma suleqatigisavut?,
Mira Kleist aperivoq, itisiliillunilu:
– Kamala
Harrisip anguniagai paasiuminarnerupput, taannami præsidentip tulliatut
atuuffeqarlunilu Joe Bidenillu tunngaviusumik naleqartitai
tapersersorunarmagit. Aamma nalunngilarput Donald Trumpip siusinnerusukkut
præsidentiunerani ilimaginngisanik pisoqartarsimasoq, taamaattumik
ilimaginngisat tamakkua periasaarsinnaaneri eqqarsaatigalugit Kalaallit Nunaannut
aamma kalaallit naalakkersuisuinut qanoq iliornissat
ajornakusoornerusinnaalluni, Mira Kleist oqarpoq.
USA
Issittumut tunngatillugu siunissaq ungasinnerusoq eqqarsaatigalugu pilersaaruteqarpoq
Kalaallit
Nunaat sillimaniarnermut illersornissamullu politikkimut tunngatillugu oqaluttuarisaanermi
sivisuumik USA-mut qanimut attaveqarsimasoq nassuiaatigaa, tamannalu
præsidentimut qinersinerup kingorna allanngornavianngitsoq
naatsorsuutigineqarsinnaasoq.
– Kalaallit
Nunaat oqaluttuarisaanermi sivisuumik USA-mut attaveqarsimavoq, USA-llu Issittumi
sakkutooqarneranut pingaaruteqarsimaqaluni. 1940-kkunniilli Kalaallit
Nunaannit kryolit USA-p illersornissamut atortussaanik tunisassiorneq pingaaruteqarsimaqaaq.
Taamaattumik oqartoqarsinnaavoq attaveqatigiinneq toqqissisimanartoq
aalajaatsoq sivisuumik atuussimasoq, tamannalu qinersisoqarnerani tunngaviusumik
allanngortoqarnissaa takorlooruminaappoq, Mira Kleist oqarpoq, USA-llu
Issittumiiginnarnissaa ilimanartoq nalilerlugu.
– Amerikami
naalakkersuisut Issittoq pillugu siunissamut ungasissumut isiginnittunik assigiinngitsunik
ukiut kingulliit periusissiorsimapput, illersornissamut periusissiaq
ilanngullugu, taamaattumik præsidenti kinaluunniit issiagaluarpat Issittoq suli
pingaarnersiugarineqassasoq naatsorsuutigisinnaavarput, Mira Kleist oqarpoq.
USA-p
naleqartitat nutaat kissaatigai
Republikanerit
Demokraatillu suliffissuaatiminnik annertusaarusupput, aamma illersornissamut
tassangalu atortussanik isumannaallisaanissaq, Kinamit aatsitassanik pisariaqartunik
isumalluuteqarunnaarluni allanit pissarsisalernissaq kissaatigaat.
– Tamanna
nutaarsiassaanngilaq, ineriartortinneqarnikuullunili. Kinamit aatsitassanik isumalluuteqarnerup
annikillinissaq, mingutsitsinngitsumik periuseqarnissaq kisiat pinnagu,
aammali illersornissamut tunngatillugu USA-mut pingaaruteqarpoq naleqartitanik
nutaanik pilersitsinissaq. Taamaattumik USA EU-mut naleqqiullugu siulliulluni
naleqartitanik nutaanik pilersitserusuppoq, aamma aatsitassanik nutaanik pissarsiffissarsiornermi,
suliarititsinissamut atortussanillu ineriartortitsinissamut.
– Trumpilli silap
pissusianik qularutiginninnera akitsuusiinerlu qaffasissoq neriorsuutigigaa
USA-mut aningaasaliinernut avammut tunisaqarnernullu kinguneqarsinnaapput, Kalaallit
Nunaanulli qanoq kinguneqarsinnaanera siulittuutigiuminaappoq. USA-mut
pingaaruteqarnerpaasussaq tassaavoq namminneq suliffissuaatiminnut iluaqutaanissaa,
Mira Kleist oqarpoq.
Naalakkersuisut
nunanut allanut, sillimaniarnermut illersornissamullu politikkikkut periusissiaanni
USA-mut nunanullu sanilerisatsinnut Canadamut Islandimullu niuernermi akornutaasut
atorunnaarsinnissaat siunertaavoq.
– Niuerneq
annertusissappat USA-mi suleqatit aamma taamaaliorusussuseqartariaqarput.
– Naalakkersuisut
nutaat niuernermut politikkiat Kalaallit Nunaannut sunniuteqarsinnaavoq, Amerikami
atorneqartussanik avammut niuernerup qanoq ajornanngitsigineranut ajornartigineranulluunniit
tunngatillugu. Taamaattumik niuernermut aningaasaliinermullu periutsit
aalajangersimasut, siumut oqaatigineqarsinnaanngitsut, sammineqassagunarput.
Qineqqusaartut tamarmik
namminneq suliffissuaatiminnik nukittorsaaniarput, nunanilli tamalaanik suleqatigiinneq
taamaalillunilu nunat tamalaat akornanni niuerneq qanoq pingaartitsitigineraat assigiinngillat,
Mira Kleist oqarpoq.
