Video takuuk: Sakkutooqarfik Nuummi annaassiniarnermik takutitsivoq

Sisamanngornermi ualikkut naalagaaffeqatigiit sakkutooqarfiata qulimiguuliutai Kolonihavnimi Nuup eqqaani annaassiniarnermik takutitsipput. Video allaaserisami takusinnaavat.

Qulimiguullit tamanit soqutigineqarluarput. Qulimiguulik EH101-transport- aamma annaassiniutaasoq Nuutoqqami sisamanngornermi takutitsivoq.

Fotos: Morten Okkels

Morten Okkels Morten Okkels Tusagassiortoq

Saqqummersinneqarpoq 14. Juuni 2025 - 10:30

Nuummi innuttaasut arlallit sisamanngornermi sakkutuut qulimiguuliutaat nutaat marluk maanna illoqarfimmiittut tusaasinnaallugillu takusinnaavaat.

Nuutoqqap sissaani sisamanngornermi ualikkut isiginnaariat annaassiniarnermik sungiusartunik isiginnaarsinnaapput. Takutitsinissaq pingasunngornermi pisussaagaluarpoq, silalli atoruminaassimanera pissutigalugu sisamanngornermut kinguartinneqarsimalluni.

Isiginnaariat ilaat takkutiaarsimapput, qulimiguullillu immap qulinnguani timmineranni takutitsinerannilu suli amerlanerusut takkussuupput. Takutitsinerup kingorna qulimiguulliit Nuuk qulaavaallugu timmisartoqarfiup tungaanut ingerlaartut takuneqarsinnaapput.

Ussassaarut

Isiginnaarianit alutorineqangaatsiarlutik inummik imaaniittumik qanoq annaassisarnerminnik aamma takutitsipput:

Qulimiguullit Nuup tungaanut ingerlaarnerminni Kulusummi innuttaasunut aamma takutitsisimapput. Sapaatip-akunnerata siuliani Kulusumiinnerminni innuttaasunut tamanut ilassinnipput, qulimiguulimmillu annaassiniaasarnermik aamma takutitsillutik.