KL

DK

Watson Nunatta Eqqartuussiviani ataasinngorpat sassartinneqassaaq

Arfernik avatangiisinillu illersuisoq, Paul Watson illersuisuni peqatigalugit iperagaanissaanik piumasaqaateqarumaartut, eqqartuussissuserisoq Finn Meinel oqarpoq.

Paul Watson qaammatini pingasungajanni Nuummi pineqaatissinneqarsimasut inissiisarfianniippoq. Iperagaassanersoq suliluunniit tigummigallarneqassanersoq ataasinngornermi ullaakkut Nunatta Eqqartuussiviata aalajangertussaavaa. Inatsisinillu atortitsinermut ministereqarfiup aalajangiinissaa utaqqitillugu.
Jensine Berthelsen journalist
Offentliggjort

WATSONIMUT TUNNGATILLUGU EQQARTUUSSINERIT

Juulip 21-at, 2024: Paul Watson Nuummi tigusarineqarpoq, aggustillu 15-ata tungaanut tigummigallarneqarluni. Nunatta Eqqartuussisuuneqarfianut suliassanngortitsivoq.

Juulip 23-at, 2024: Nunatta Eqqartuussisuuneqarfiata eqqartuussiviup aalajangernera atuuttussanngortippaa.

Aggustip 15-at, 2024: Kalaallit Nunaanni Eqqartuussivik aalajangerpoq Paul Watson septembarip tallimaata tungaanut tigummigallarneqassasoq. Nunatta Eqqartuussisuuneqarfianut suliareqqitassanngortippaa.

Septembarip sisamaat, 2024: Kalaallit Nunaanni Eqqartuussivik aalajangerpoq Paul Watson oktobarip aappaata tungaanut tigummigallarneqassasoq. Nunatta Eqqartuussisuuneqarfianut suliareqqitassanngortippaa.

Oktobarip aappaat, 2024: Kalaallit Nunaanni Eqqartuussivik aalajangerpoq Paul Watson oktobarip 23-ata tungaanut tigummigallarneqassasoq. Paul Watsonip aalajangiineq Nunatta Eqqartuussivianut suliareqqitassanngortippaa. Ulloq taannarpiaq eqqartuussiviit pingajuannut suliassanngortitsinissamut akuerineqarpoq, suliarlu Eqqartuussiviit Qullersaannut ingerlateqqinneqassaaq.

Arfernik avatangiisinillu illersuiniap juulip ulluisa 21-anni 2024-imi tigusarineqarnera tigummigallagaarneralu Nunatta Eqqartuussiveqarfiani aammaarluni suliarineqaqqissaaq. 

Tamatumuuna ataasinngornermi oktobarip 14-ianni nalunaaqutaq qulingiluanut eqqartuussivimmi pinngitsuutinneqassasoq eqqartuussissuserisuisa Paul Watsonillu eqqartuussissuserisui oqallisigissavaat.

Tamatumunnga atatillugu eqqartuussissuserisoq Finn Meinel oqarpoq neriuutigalugu uppernarsaatit uppernarsaatillu nunap eqqartuussivianut takutinnissaannut akuerineqarsinnaallutik, isumaqaramik taakku Paul Watsonip pinngitsuutiinnarneqarneranik kinguneqarsinnaasut:

- Uppernarsaatinik takutitsinissaq qinnutigiuarnikuuarput, isumaqarpugut Japanimiunit unnerluutigineqarnermini pinngitsuusoq. Soorunami neriuutigaarput Nunatta Eqqartuussisuuneqarfiata uppernarsaatinik takutitserusulluta kissaativut akuerissagai, eqqartuussissuserisoq Finn Meinel Sermitsiamut oqarpoq.

Eqqartuussiviit qullersaanni suli aalajangiisoqanngilaq

Nunatta Eqqartuussisuuneqarfiata Kalaallit Nunaata Eqqartuussisuuneqarfiata aalajangiinera aalajangiuteqqissappagu, Paul Watson eqqartuussissuserisuilu eqqartuussiviit pingajuannut suliassanngortitsinissamut akuerineqarsimapput, tassani suliaq Eqqartuussiviit Qullersaannut suliassanngortinneqarsinnaavoq, tassanilu aalajangerneqassaaq tigummigallarneqarnera/parnaarussaanera inatsisinut naapertuunnersoq.

Kalaallit Nunaanni Politiit unnerluussisussaatitaaffiannit eqqartuussinermi kingullermi oktobarip aappaani nalunaarutigineqarpoq Kalaallit Nunaanni Politiit misissuinertik naammassigaat, maannalu Inatsisinik atortitsinermut ministereqarfiup aalajangernissaa utaqqineqartoq, tassa Paul Watson Japanimut tunniunneqassanersoq pinngitsuutinneqassanersorluunniit.

paul watson justitsministeriet inuiaqatigiit hvalbeskyttelse grønlands landsret samfund miljøaktivisme

Atorfiit tamaasa takukkit

Powered by Labrador CMS