Piniarnermut
aalisarnermullu nittarsaassineq nunanit tamalaanit peqataaffigineqartussaq
Nuummi aappaagu ingerlanneqassaaq.
Kommuneqarfik Sermersooq aamma Aalborg
Kongres & Kultur Center ataatsimut tusagassiuutitigut taama
nalunaaruteqarput.
Piniarnermut
aalisarnermullu nittarsaassineq nunanit tamalaanit peqataaffigineqartussaq
Nuummi aappaagu ingerlanneqassaaq.
Kommuneqarfik Sermersooq aamma Aalborg
Kongres & Kultur Center ataatsimut tusagassiuutitigut taama
nalunaaruteqarput.
Nittarsaassineq
nutaaq Arctic Expo 2026-mik taaguuteqartussaq apriilip 21-aniit 23-anut
illoqarfiit pingaarnersaanni timersortarfissuarmi Inussivimmi pissaaq.
Aalborg
Kongres & Kultur Center Ilulissani PolarExpo-mik aamma Aalborgimi DanFish
International-imik, nunarsuarmi aalisarnermut nittarsaassinerit annersaasa
ilaannut, aamma aaqqissuisuuvoq. Suliffeqarfiup Arctic Expo-mik
ingerlatsinermini aalisarnermut nittarsaassinermi niuernermi inissisimaffini
ineriartortinniarlugulu nukittorsarniarpaa.
-
Nittarsaassineq nutaaq Polar Expomut Ilulissani ingerlanneqartumut
tapertaassaaq, aallartippallu ukiut
tamaasa Nuummi Ilulissanilu paarlakaajaallutik nittarsaassisarnissarput
pilersaarutaavoq, Nicolaj Holm, AKKC-mi pisortaq, oqarpoq.
- Atlantikup avannaani aalisarnermut pingaaruteqartumut naleqquttuunissaa kissaatigaarput, pisortaq Nicolaj Holm Aalborg Kongres & Kultur Centerimeersoq oqarpoq.
Assi: AKKC
Tamanut
naleqquttuussasoq
-
Atlantikup avannaani aalisarnermut pingaaruteqartumut naleqquttuunissaa
kissaatigaarput – tamatumanilu Kalaallit Nunaanni marloriarluta
nittarsaassisarnissatsigut Aalborgimilu Danfishimi nittarsaassisarnitsigut
nutaarluinnarnik periarfissaqalissaagut , Nicolaj Holm nassuiaavoq.
-
Paasissutissat misissoqqissaarpagut - Kalaallit Nunaannilu marloriarluni
nittarsaassisoqarsinnaasoq qularutiginngilarput.
Kommuneqarfik
Sermersuumik suleqateqalerneq nutaaq naapertorlugu Kalaallit Nunaanni
aalisarnermut nittarsaassinernik annertuunik marlunnik aappaagu
ingerlatsisoqassaaq. Siullermik Arctic Expomi apriilimi aamma Ilulissani Polar
Expomi oktobarimi ingerlatsisoqassaaq. Tamatuma kingorna nittarsaassinerit
ukiut tamaasa paarlakaajaallutik Nuummi Ilulissanilu kalaallisut
nittarsaassiffiusarnissaat pilersaarutaavoq.
-
Polar Expo-mi ukiorpassuarni teknikkikkut aaqqissuisuunikuuvugut – siullermik
Sisimiuni ukiunilu kingullerni Ilulissani. Taamaammat Kalaallit Nunaanni
nittarsaassinernik aaqqissuussisarnitsinni misilittagaqarluarpugut, tassanilu
saqqummersitsineq pillugu Avannaata Kommunia suleqatigilluartarparput, Nicolaj
Holm oqarpoq.
-
Kalaallit Nunaanni nittarsaassinerulerniarluta aalajangerutta Nuummi
Ilulissanilu mittarfissat nutaat eqqarsaatigalugit aamma
taamaaliortariaqarpugut. Tamanna nittarsaassisut tikeraartullu nunanit
tamalaanersut ajornannginnerusumik tikissinnaalernissaannik kinguneqassaaq.
-
Inussivimmi aamma Arctic Expomut inissatsinnik pitsaasumik nassaarsimavugut.
Timersortarfissuaq minnerunngitsumik suliffissuarnut nittarsaassisunut
angisuunik inituunillu nittarsaassiniartunut pitsaalluinnartunik
periarfissiissaaq.
Nunaqavissut
suliffissaqartinneqarsinnaasut
AKKC-p
nittarsaassinermi suliassat tamaasa aaqqissuuppai.
-
Containerit marluk nittarsaassinermut atortunik imallit Kalaallit Nunaannut
umniarsuarmik assartortarpagut, aamma suleqatigut peqatigalugit nittarsaassineq
piareersarneqarlunilu ingerlanneqarniassammat tamatigut AKKC-mi sulisut
arlallit Kalaallit Nunaannut aallartittarpagut, Nicolaj Holm oqarpoq.
-
Kalaallit Nunaannili immikkoortortaqarfimmik nunaqavissunik sulisulimmik
pilersitsinissaq mattussinnaanngilara,
tamannali pillugu oqaaseqarnissaq suli siusippallaarpoq.
Kommuneqarfik
Sermersuumi borgmesterip Avaaraq Olsenip Nuummi aalisarnermut
nittarsaassisoqartalernissaa nuannaarutigaa.
-
Piniarnermut aalisarnermullu inuussutissarsiutit kommunitsinni
inuussutissarsiutit pingaarnerit ilagaat. Taamaammat ArcticExpo aqqutigalugu
nunaqavissut nunanilu allani inuussutissarsiuteqartut naapisillugit
inuussutissarsiutit ineriartortinnissaannut tapersersuisinnaagatta
nuannaarutigaara, borgmesteri oqarpoq.
