Aatsitassarsioqatigiiffik akerleriissutaasoq kalaallimik ilisimaneqarluartumik siunnersortissatut atorfinitsitsivoq

Australiamiut aatsitassarsioqatigiiffiata Energy Transition Mineralsip, Danmarkimut Kalaallit Nunaannulli milliardinik marlunnik kisitsisitalinnik piumasaqarfiusup, Kalaallit Nunaanni atorfilittatut qaffasissutut atorfeqarsimasoq pilersaarusiornermi siunnersortissatut atorfinitsippaa, taama allappoq Ekstra Bladet aatsitassarsioqatigiiffiup nalunaarutaa tunngavigalugu.

Energy Transition Minerals Kalaallit Nunaanni aatsitassanik qaqutigoortunik piiaanissamut akuersissut sivisuumik sorsuutigaa, nunatsinniilli oqartussaasunit akerlilersorneqarpoq, tassami uranimik piiaanissaq inerteqqutigineqarmat.

Kalaallit Nunaanni suliniuteqarusulluni suli sorsuttoq

Naak akerlilersuisoqaraluartoq ingerlatseqatigiiffiup maanna Svend Hardenberg  Kalaallit Nunaanni suliffeqarfimmik nukittorsaasussatut atorfinitsippaa.

Svend Hardenbergip misilittagai ingerlatseqatigiiffiup ingerlalluarnissaanut kalaallillu politikkikkut ataatsimoorneranni ammasumik attaveqalernissaanut iluaqutaassasut, Energy Transition Mineralsip pisortaata Daniel Mamadoup qularutiginngilaa.

ETM-ip naatsorsorsimavaa taarsiiffigitinnissamik piumasaqaatit 80 milliardingajannik naleqartut.

Aatsitassarsiorfik: Iluatsilluarnissannut iluaqutaassasoq

Energy Transition Minerals siornatigut Greenland Mineralsimik taaguuteqarpoq.

Svend Hardenberg periusissiornermut siunnersortissatut toqqarneqarpoq, taassumalu qulakkeertussaassavaa suliffeqarfiup Kalaallit Nunaanni suliniuteqartuarnissaa.

- Svendip siulersuinera takorluugaalu ingerlalluarnissatsinnut iluaqutaangaassapput, suliffeqarfimmut Kalaallit Nunaanni periarfissanik pingaarutilinnik ammaassisuussalluni. Nuummilu immikkoortortaqarfitsinni Greenland Minerals A/S-imi, politikkikkut ataatsimoorfiusumi, pisortatut sinniisuujumaarluni, Daniel Mamadou, suliffeqarfimmi pisortaasoq oqarpoq.