Østrigimi tusagassiorfinni tutsuiginartuni
Australiamiut Amerikamiullu ingerlatseqatigiiffiat European Lithium, Critical
Metals Corpimi aktiat 83 procentiinik piginnittoq, Tanbreezimik
pisiarinninnissamik soqutiginninnermi saniatigut aamma taamaalilluni Kujataani
Killavaat Alannguani akuersissummik piginnittunngorniartoq, aammalu Østrigimi
iloqarfimmi Kärntenimi lithiumimik suliniummik ingerlatsisoq pillugu
takinerusumik sapaatip-akunnerani kingullermi allaaserinnittoqarpoq.
Tassami European Lithium suliniummi
Wolfsberg Lithiumimi 2011-mili ingerlatsivoq, kisianni ulloq manna tikillugu
akuersissutit arlallit amigaatigineqarput, VVM (avatangiisinut sunniutissanik
naliliineq) ilanngullugu, minnerunngitsumillu aningaasat. Østrigimi aviisit
marluk Wiener Zeitung (6. august 2024), aamma Der Standard (12. august 2024)
allaaserisaat naapertorlugit suliniummi siuariartortoqarpallaanngilaq,
taamaattumillu aatsitassarsiornermik ingerlatsinermut tunnganersoq imaluunniit
aktianik iluanaarniarnermut tunnganersoq apeqquserneqarpoq.
Østrigimi tusagassiorfinni tutsuiginartuni
Australiamiut Amerikamiullu ingerlatseqatigiiffiat European Lithium, Critical
Metals Corpimi aktiat 83 procentiinik piginnittoq, Tanbreezimik
pisiarinninnissamik soqutiginninnermi saniatigut aamma taamaalilluni Kujataani
Killavaat Alannguani akuersissummik piginnittunngorniartoq, aammalu Østrigimi
iloqarfimmi Kärntenimi lithiumimik suliniummik ingerlatsisoq pillugu
takinerusumik sapaatip-akunnerani kingullermi allaaserinnittoqarpoq.
Tassami European Lithium suliniummi
Wolfsberg Lithiumimi 2011-mili ingerlatsivoq, kisianni ulloq manna tikillugu
akuersissutit arlallit amigaatigineqarput, VVM (avatangiisinut sunniutissanik
naliliineq) ilanngullugu, minnerunngitsumillu aningaasat. Østrigimi aviisit
marluk Wiener Zeitung (6. august 2024), aamma Der Standard (12. august 2024)
allaaserisaat naapertorlugit suliniummi siuariartortoqarpallaanngilaq,
taamaattumillu aatsitassarsiornermik ingerlatsinermut tunnganersoq imaluunniit
aktianik iluanaarniarnermut tunnganersoq apeqquserneqarpoq.
Suliaqarneq annikitsoq
Wiener Zeiung Wolfsbergimi Frantschach-Sankt
Gertraudimi borgmesterimik oqaloqateqarpoq, ingerlatseqatigiiffik
aatsitassarsiornermik ingerlatsinermik soqutiginninnani aktianik
qaffatsitsinissamut akuersissutinik pisariaqartitsisut aamma iluanaaruteqarlutik
tunisiniartut isumaqarneranik issuarneqarsimavoq, tamannalu borgmesterip
oqarnera naapertorlugu Kinamiut suliffeqarfiutigilernerannik
kinguneqarsinnaavoq.
Wiener Zeitungip allaaserisaa naapertorlugu
aatsitassarsiornermik ingerlatsineq 2011-mi aallartingajalersoq
oqaatigineqaraluarpoq, kisianni assigiinngitsunik pissuteqartumik
kinguartinneqarpoq, ingerlatseqatigiiffiullu qullersaqarfiani – biilileriffiup
eqqaani aamma imerniartarfiup qulaani Wolfsbergip killingani inissisimasumi
misissuinermi – suliaqartoqarneranik takussaasoqarpallaanngilaq.
Ingerlatseqatigiiffik aningaasaliisussanik ujaasinerarneqarpoq suliniummullu
aningaasaliisussarsiortoqartoq oqaatigineqarpoq.
Niuerfimmi uukapaatitsinermut
akiligassinneqartoq
Tamatuma saniatigut European Lithium Østrigimi aningaasaqarnermut
aqutsisoqarfimmit FMA Österreichimit niuerfimmi uukapaatitsinermut
akiligassinneqarsimasoq, Wiener Zeitung allaaserisaqarpoq.
Inuussutissarsiornermut, Niuernermut, Aatsitassanut,
Inatsisit Atuutsinneqarnerannut Naligiissitaanermullu Naalakkersuisoqarfimmit
Østrigimi tusagassiorfinnit allaaserineqartut maluginiarneqarput,
Naalakkersuisoq Naaja H. Nathanielsen soorunami pisunik
malinnaalluni Sermitsiamut oqarpoq.
”Illit ilisimariikkattut naalakkersuisoqarfima misissuinerit piumasarineqartut
aallartippai, Tanbreezip aningaasaliisartumut taakkartorneqartumut
pisiarineqarnissaa pisinnaanersoq qulaajarneqassalluni. Tamanna pillugu suli
qinnuteqaateqartoqanngilaq, kisianni siunissaq ungasinnerusoq eqqarsaatigalugu
tamanna pilersaarutigineqartoq tusagassiuutitigut atuarsinnaavarput. Pisoq
annikitsunngortinngikkaluarlugu maanna inatsisit malittarisassallu akuerisat
naapertorlugit ingerlavugut, maannakkullu nutaarsiassaqanngilaq.”
