Kalaallit Nunaanni suliffissaaleqisut arriitsumik amerliartuaaruusaarput. Inuit 100-juuppata sisamat missaanniittut suliffissaaleqisuupput, siornalu piffissamut tassunga sanilliullugu maanna 1.314-it suliffissaaleqisuupput, tassa nuna tamakkerlugu suliffissarsiortut 146-nik amerleriarsimallutik.
Naatsorsueqqissaartarfik naapertorlugu Paamiuni, Uummannami, Aasianni, Ilulissani Upernavimmilu suliffissaaleqisut amerlanerpaapput, Nuummilu suliffissaaleqisut 2023-mut sanilliullugit ikilerialaarsimallutik.
Kalaallit Nunaanni suliffissaaleqisut arriitsumik amerliartuaaruusaarput. Inuit 100-juuppata sisamat missaanniittut suliffissaaleqisuupput, siornalu piffissamut tassunga sanilliullugu maanna 1.314-it suliffissaaleqisuupput, tassa nuna tamakkerlugu suliffissarsiortut 146-nik amerleriarsimallutik.
Naatsorsueqqissaartarfik naapertorlugu Paamiuni, Uummannami, Aasianni, Ilulissani Upernavimmilu suliffissaaleqisut amerlanerpaapput, Nuummilu suliffissaaleqisut 2023-mut sanilliullugit ikilerialaarsimallutik.
1992-imi kalaallit suliffinnut siulliunneqarnissaannik inatsit atuutilersinneqaraluartoq, ukiut ingerlaneranni nunanit allaneersut suliartortut amerliartuinnarput. 2018-imiit 2023-mut nunanit allaneersut 1.000-t missaanniittut Kalaallit Nunaannut suliartorput. Taakkua ilarpassui nunanit Asiameersuupput ilinniagaqanngitsut, Kalaallit Nunaannilu kiffartuussinermi suliffinniinnerullutik.
Pisoq naalisarlugu
Pisumi arnat filippinerit
pingasut
Suliami arnat filippinerit pingasut
sulisitsisuminnik ukiuni arlalinni
akissarsiakitsitaasimasut SIK
aqqutigalugu eqqartuussivimmut
suliassanngortitsipput. 372.000
koruunit taarsissutiginissaat piumasaqaatigineqarput.
Sapaatip-akunnerani 29-mi AGmi saqqummertumi eqqartuussivimmut suliassanngortitsineq
allaaserineqarpoq. Sapaatipakunnerani 30-mi filippinerit arnat marluk apersorneqarnerat
AG-mi allaaserineqarpoq. Taakku
misigisimasatik AG-mut oqaluttuarerusullugit saqqummerput
Suliffiit nunanit allaneersunit sulisoqartut qanoq nakkutigineqartarnersut Jens Napãtôp, Naleraq, paragraf 37 naapertorlugu Isumaginninnermut, Ilaqutariinnut, Suliffeqarnermut Nunamullu Namminermut Naalakkersuisoq Jess Svanemut apeqqutigaa.
Politiit Majoriarlu inatsisitigut pisinnaatitaaffeqarput sulinissamut najugaqarnermullu akuersissutit inatsisinut atuuttunut naapertuunnersut nakkutiginissaannut. Nakkutiginninneq ingerlaavartumik ingerlanneqartarpoq, Kalaallit Nunaannilu Politiinit, Majoriamit Akileraartarnermullu Aqutsisoqarfimmit sulisunit ingerlanneqartoq Jess Svanep Jens Napãtômut paasissutissiissutigaa.
- Najugaqarnissamut sulinissamullu akuersissutit amerlanerpaat nakkutigineqarlutillu malitseqartitsiffiupput, kisianni tamakkernagit, Jess Svanep Jens Napãtômut akissummini allappoq.
Sulisitsisut nunanit allaneersunit sulisussarsiornissamut akuersissummik Majoriaq aqqutigalugu kommunalbestyrelsimut qinnuteqartariaqartut, taamatullu akuersissummik tunisineq piffissamut sivisunerpaamik ukiunut marlunnut atuuttussamik pisinnaasoq ilanngullugu ilisimatitsissutigaa.
Naalakkersuisut sulisussat avataaneersut pillugit inatsimmut allannguutissatut siunnersuut nutaaq suliarigaat Jens Napãtômut ilanngullugu ilisimatitsissutigaa. Inatsimmi ilaqutariit; aappallit inooqatigisallu nakkutigineqarnerat sukaterneqassaaq. Inatsisissatut siunnersuut naapertorlugu taakku aamma sulilerniarunik Kalaallit Nunaanni sulilernissaminnut kommunimut qinnuteqartariaqarput.
