MOTOORI
Angallannermut ministeri: Inatsimmut allannguutissat oqaluusererusuppakka
Kalaallit Nunaanni Politiit aqqusinermi biilertuniit qisimik misissugassamik tigusissallutik inatsisitigut tunngavissaqanngillat, Danmarkimi angallannermut ministeri oqarpoq. Taassumali Kalaallit Nunaanni aqqusinikkut angallannermut inatsimmi maleruagassat ikiaroorluni biilernermut tunngasut allanngortinnissaat oqaluusererusuppai
Politiit Kalaallit Nunaanni angallannermut inatsit naapertorlugu qisimik misissugassamik tigusinissaminnut tunngavissaqartinneqanngillat. Kalaallit Nunaanni Politiit tamatumunnga taarsiullugu angalasoq ikiaroorluni angalasimasoq pasitsaakkunikku nakorsamit misissorneqarnissaa piumasarisinnaavaat.
Leiff Josefsen
Kalaallit Nunaanni Danmarkimisut ikiaroorluni
biilernermut killilersuisoqanngilaq. Taamaammat assersuutigalugu hashimik
pujortarsimatilluni biilernermut tunngatillugu uppernarsaatit tunngavigalugit
suliamik ingerlatsinissaq ajornakusoorpoq, tassami aqqusinermi angallannermut
inatsit atuuttoq naapertorlugu angalasup angallat pineqartoq atorlugu
toqqissisimanartumik angalasinnaannginnera uppernarsarneqartariaqarpoq.
Ikiaroornartutorsimanermut misissuissut
Inuit Ataqatigiit sinnerlugit Folketingimut ilaasortaq Aaja Chemnitz
naapertorlugu politiit ikiaroornartutorsimanermut misissuissut qisermi
aanngajaarniutinik inerteqqutaasunik uuttuisinnaasoq atorluarsinnaavaat.
Taamaammat ikiaroornartutorsimanermut misissuissummik atuisinnaanissamut
inatsisitigut tunngavissiinissap killiffia pillugu apeqquteqarfigaa.
– Kalaallit Nunaanni Namminersorlutik Oqartussat Kalaallit Nunaanni angallannermut inatsimmi ikiaroorluni angalasimanermut maleruagassat politiillu misissugassamik tigusinissaminnut periarfissaasa allanngortinnissaat kissaatigalugu saaffiginnippata, soorunami oqaluuserinissaat ammaffigaara, angallannermut ministeri Thomas Danielsen (V) Aaja Chemnitzimut (IA) akissummini allappoq
Arthur Cammelbeeck/Altinget
– Ikiaroornartutorsimanermut misissuissut
paasiniaassutaannaammat ikiaroornartutortoqarsimaneranik inerniliinera
tamatigut aaversinnermik kinguneqartassaaq, taannalu kingorna
pineqaatissiinissamut suliami uppernarsaatitut atorneqarsinnaassaaq. Politiit Kalaallit
Nunaanni angallannermut inatsit naapertorlugu qisimik misissugassamik
tigusinissaminnut tunngavissaqartinneqanngillat. Kalaallit Nunaanni Politiit
tamatumunnga taarsiullugu angalasoq ikiaroorluni angalasimasoq pasitsaakkunikku
nakorsamit misissorneqarnissaa piumasarisinnaavaat”, Thomas Danielsen (V)
allappoq, Kalaallit Nunaannilu Namminersorlutik Oqartussat angallanneq pillugu
piumasaasa oqaluuserinissaannut piareersimajuaannarluni ilanngullugu allappoq.
– Kalaallit Nunaanni Namminersorlutik Oqartussat Kalaallit Nunaanni
angallannermut inatsimmi ikiaroorluni angalasimanermut maleruagassat politiillu
misissugassamik tigusinissaminnut periarfissaasa allanngortinnissaat
kissaatigalugu saaffiginnippata, soorunami oqaluuserinissaat ammaffigaara.
Oqaluuserisassat tamakku oqaluuseriniaraanni Inatsisinik atuutsitsinermut
ministeriaqarfik Naalagaaffiullu politiivi ilaatinneqartariaqarput,
allannguutimmi taamaattut Kalaallit Nunaanni politiit sulinerannut aningaasaqarnerannullu
sunniuteqassapput.
Inatsisissatut siunnersuut kissaatigigaa
Aaja Chemnitzip tamatuma kingorna ministeri Inatsisinik atuutsitsinermut
ministeriaqarfik suleqatigalugu inatsisissatut siunnersuummik,
ikiaroortutorsimatilluni biilernermi killissarititaasunik
aalajangersagaqartumik, kiisalu politiit ikiaroorluni biilertumik
pasitsaassaqarunik misissugassamik tigusinissaannut periarfissiisumik
Naalakkersuisunut saqqummiusserusunnersoq aperaa. Tamanna suli akineqanngilaq.
Kalaallit Nunaanni Politiit ukiumoortumik
naatsorsueqqissaarnerat naapertorlugu inuit 229-it imigassamik
aalakoornartulimmik imersimallutik biilertut 2023-mi tigusarineqarsimapput.
Ikiaroorluni inatsisinik unioqqutitsinerit ukiuni kingullerni qaffapput.
