Tasiilami takornarialerisut suliffeqarfiutaat Arctic Dream inunnik Tasiilami sorlaqartunik siulersuisoqalerpoq. Siulersuisuni siulittaasutut toqqarneqarpoq Jaaku Andreasen, ulluinnarni Nuummi politiitut sulisoq, Tasiilamili peroriartorsimasoq, sumiiffimmik periarfissanillu tamanik ilisimasaqartoq. Taassuma saniatigut umiarsualiviup pisortaa Poul Sørensen aamma angallatip naalagaa Sivert Nuko siulersuisunut ilaasortanngortussatut qinigaapput.
– Siunissamut qiviarnissatsinnut piffissanngorpoq, aamma tamatuma qanoq iliuuseqarfiginissaa ilanngullugu. Taamaattumik
aalajangerpunga Tunumi najugalinnik, sumiiffimmik periarfissanillu ilisimasalinnik,
siulersuisoqalerutta pitsaanerpaassasoq,
pisortaq aamma pilersitsisoq Lars Anker-Møller oqarpoq. Taassuma nittarsaassineq
aamma angalatitsisartunut attaveqarneq
kiisalu ingerlatsinermi suliassanut tapersersuinissaq siunissami akisussaaffigissavai.
Tasiilami takornarialerisut suliffeqarfiutaat Arctic Dream inunnik Tasiilami sorlaqartunik siulersuisoqalerpoq. Siulersuisuni siulittaasutut toqqarneqarpoq Jaaku Andreasen, ulluinnarni Nuummi politiitut sulisoq, Tasiilamili peroriartorsimasoq, sumiiffimmik periarfissanillu tamanik ilisimasaqartoq. Taassuma saniatigut umiarsualiviup pisortaa Poul Sørensen aamma angallatip naalagaa Sivert Nuko siulersuisunut ilaasortanngortussatut qinigaapput.
– Siunissamut qiviarnissatsinnut piffissanngorpoq, aamma tamatuma qanoq iliuuseqarfiginissaa ilanngullugu. Taamaattumik
aalajangerpunga Tunumi najugalinnik, sumiiffimmik periarfissanillu ilisimasalinnik,
siulersuisoqalerutta pitsaanerpaassasoq,
pisortaq aamma pilersitsisoq Lars Anker-Møller oqarpoq. Taassuma nittarsaassineq
aamma angalatitsisartunut attaveqarneq
kiisalu ingerlatsinermi suliassanut tapersersuinissaq siunissami akisussaaffigissavai.
2023-mi aatsaat taama
angusarissaartigisut
Takornariartitseqatigiiffik 2023-mi aatsaat
taama angusarissaartigaaq, tassami 2019-imi angusat qaffasinnerpaasimagaluartut
30 procentinik qaangerlugit qaffasinnerugamik. 2024-mi maannamut 2023-mit appasinnerulaarpoq, sulili 2019-imit qaffasinnerulaarluni, Lars Anker-Møller oqaluttuarpoq:
– Neqeroorutitta ilaat ukiuni kingullerni
ikilisarpavut, neqeroorutivullu aalajangersimasut nittarsaassinitsinnut tapertaasut,
100 procentimillu imminut akilersinnaasut,
sammineruniarlugit aalajangeratta. Umiatsiatta unnuisarfiutittalu pitsaassusaasa qaffassarnissaat sulissutigigatsigu, 2024-milu
nerisassat sammineruvavut, tamatumani kalaallit nerisassiassaataannik nerisassiortaleratta. Siunissami misigisassanik piviusunik
ineriartortitsinissarput sulissutiginerussavarput, soorlu ulluni tallimani qimussimik
angalaarneq – Arctic Jewel – najukkami
takornarianik ilitsersuisoqarnermut assersuutissaalluartoq, suut tamaasa ataqatigiissillugit, aamma sullitatta nunaqavissunut
qaninnerulersimasutut misigisarnerannik
kinguneqartartoq. Tamanna aasaanerani angallassisarnitsinnut aamma atuutilersissavarput.
Assiliiartornerit
aalisariartitsinerillu
Lars Anker-Møllerip Arctic Dream 2007-imi aallartippaa, 2019-imilu nersornaammik ataqqisaasumik »Greenland Tourism
Award«-imik nersornaaserneqarluni »takornariat misigisassaannik, paasissutissiinermik akisussaassuseqarnermillu immikkut
aallussilluarsimasutut«.
Takornariartitsisartut ukiut ingerlaneranni takornarianut neqeroorutissanik nutaanik ineriartortitsisarsimapput, kingullertut
kangerlummi iigartartulimmi Sermilimmi
illuaqqanik nutaanik pilersitsillutik, taanna
assiliiartorluni angalaarnernut aalisariarnernullu aallaavigineqarluni. Arctic Dream
qimussimik angalaartitsisarnermi saniatigut
aamma qamuteralalluni paasisassarsiornernik, pisuttuarnernik aqqartartutullu misigisassarsiornernik neqerooruteqartarpoq.
Takornariat amerlanerpaaffiini sulisut
20-usarput, taakkununnga ilaallutik nunaqarfimmiut arlallit, assartuinermi, nassatanik isumaginninnermi il.il. ikiuuttartut.
